Алексей Еремеев: “Уларытыылар саамай наадалаах кэмҥэ киирдилэр”

Share

Ил Түмэн спикерэ Алексей Еремеев:

-Бүгүн Төрүт Сокуоҥҥа саамай наадалаах кэмҥэ биһиги кэскилбит түстүүр уларытыылар киирдилэр. Холобур, үөрэхтээһиҥҥэ оҕо 9-с кылааһы бүтэрэн баран, салгыы 10-11 кылааска үөрэнэ барабын дуу, орто анал үөрэххэ туттарсабын дуу диэн талар кыахтаах буолуохтаах. Ити федеральнай сокуоҥҥа хаһыс да сылын үлэлээбит нуорма буолар.  Ол нуорманан үлэлии-хамсыы олоробут, ону бүгүн бэйэбит Төрүт Сокуоммутугар эбии киллэрэн уонна мэктиэлээн биэрдибит.

Судаарыстыбаннай хранилищеттан Ил Дархаммыт көҥүлэ суох бас-баттах алмааспытын, көмүспүтүн атыылыа диэн ити эмиэ онно суох куолулааһын буолар. Ити нуорма бүддьүөт кодексатыгар үс сыл анараа өттүгэр киирбитэ, ити быраабынан тутта сылдьар. Судаарыстыбаннай хранилище Арассыыйаҕа уонна субъектартан биһиэхэ эрэ баар. Бу маныаха  диэри хас бриллиант, хас туонна көмүс атыыламмытын Ил Түмэн кыайан хонтуруоллуур кыаҕа суох этэ.  Билигин хас грамм көмүс, хас карат бриллиант атыыламмыта дуу, атыылаһыллыбыта дуу бүддьүөт сокуонугар барытыгар көстө сылдьыа. Онон быдан демократическай уонна дьон-сэргэ билэригэр аһаҕас нуорма киирдэ дии саныыбын.

Оттон олохтоох бэйэни салайыныыга киирбит уларытыылар тустарынан эттэххэ, бу иннинэ Төрүт Сокуоҥҥа улуус, нэһилиэк боломуочуйалара тыырыллан баран сылдьыбыттара. Биһиги туох уларытыыны киллэрдибит диэҥҥэ, соторутааҕыта үлэҕэ киирбит федеральнай сокуоҥҥа биир кэлимсэ олохтоох бэйэни салайыныыга анаммыт сокуон этэ — муниципальнай уокурукка уонна куорат уокурукка диэн. Кэлин тиһэҕэр эрэ, бу сорох субъектар бэйэлэрин көрүүлэринэн икки таһымнаах олохтоох бэйэни салайыныыны хаалларыныахтарын сөп диэбиттэрин туһанан киллэрдибит. Икки таһымнаах олохтоох бэйэни салайыныы нэһилиэк да, улуус да таһымыгар хаалыаҕа. Оттон боломуочуйалар биир кэлимсэ буолан хаалбыттарын биһиги сокуонунан тыырыахпытын наада, ханнык боломуочуйа улууска, ханныга нэһилиэккэ барарын. Судаарыстыбаҕа уонтан тахса боломуочуйа баар, олору сороҕун үптээн-харчылаан олохтоох бэйэни салайыныыга биэрэбит дуу, биэрбэппит дуу диэн сокуон барыла оҥоһулунна. Сэтинньигэ буолуохтаах пленарнай мунньахха бастакы ааҕыыга көрүөхпүт. Ахсынньыга сийиэстээн бараммыт, сийиэскэ өссө биирдэ эмиэ дьону-сэргэни кытта дьүүллэһэн бараммыт, Саҥа дьыл иннигэр уочарата суох мунньаҕы ыҥыран, иккис-үһүс ааҕыытын ылыныахпыт.

 

 

Recent Posts

  • Сонуннар
  • Уопсастыба

Бырабыыталыстыба отчуота олунньу 2 күнүттэн саҕаланыаҕа

Олунньу 2 күнүттэн  Саха сиригэр бырабыыталыстыба отчуота үгэс быһыытынан, сирэй көрсөн ыытыллыаҕа.  Көһө сылдьар мунньахтарга …

9 минут ago
  • Бэрээдэк
  • Сонуннар
  • Уопсастыба

Үп-харчы пирамидатын тэрийэн дьону 17 мөл. солк. албыннаабыт дьахтары сууттуохтара

Дьокуускай куорат 70 саастаах олохтооҕо пайщиктаахтар харчыларын уоруутунан тэриллибит  холуобунай дьыала барыллаан силиэстийэтэ түмүктэннэ. Силиэстийэ…

32 минуты ago
  • Сонуннар
  • Уопсастыба

Саха сирин олохтоохторо МАХ нөҥүө счетчик көрдөрүүлэрин биэриэхтэрин сөп

Саха сирин олохтоохторугар хомунаалынай өҥө счетчиктарын көрдөрүүлэрин МАХ-ка чат-бот нөҥүө биэрэр кыах үөскээтэ. Бу сыыппара…

1 час ago
  • Сонуннар
  • Сүрүн

“Энэргиэтикэ” хайысхатыгар РФ Судаарыстыбаннай сэбиэтин хамыыһыйатын мунньаҕар сыллааҕы үлэ сүрүн соругун быһаардылар

“Энэргиэтикэ” хайысхатыгар РФ Судаарыстыбаннай сэбиэтин хамыыһыйатын бастакы мунньаҕар ааспыт сыл түмүгүн таһаардылар уонна 2026 сыллааҕы…

2 часа ago
  • Сонуннар
  • Уопсастыба

Мин фронум кирбиитэ: эһэм Ленинград блокадатын кыттыылааҕа

Аҕа дойду Улуу сэриитигэр Ленинград куорат 872 күннээх өстөөх ытарчатын тулуйбута. Бу ытык сир көмүскэлигэр…

2 часа ago
  • Быһылаан
  • Сонуннар

Эр киһини эчэттилэр, 5,2 мөл.солк. уордулар

Ааспыт сууккаҕа Саха сиригэр  буруйу оҥоруу икки  түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…

3 часа ago