Хаартыска: М.Исакова тиксэриитэ
Нам улууһугар Аппааныга аҕам саастаахтар дьиэлэрин тэлгэһэлэрэ өрө тардыллан, хаардара күрдьүллэн, ыраастанан сэргэхсийии бөҕө буолан олоробут.
Холобур, биһиги билбэккэ да сырыттахпытына, кэлэн тэлгэһэбит хаарын күрдьэн кэбиспиттэрэ үчүгэйиэн! Онон наһаа үөрэн олоробут. Бу оскуолаҕа үөрэппит оҕолорум оҕолоро. Онон үөрүүм хас эмэ бүк үрдээн сылдьабын.
Ол курдук, И.Е. Винокуров аатынан орто оскуола оҕолоро сылын ахсын нэһилиэк саастаах дьонноругар улахан болҕомтолорун ууран көмөлөһөллөр. Аҕам саастаахтар күннэригэр, күһүҥҥү оҕуруот аһын хомуйууга, саас хаар күрдьүүтүгэр уо.д.а., киһи дэбигис кыайбат, ыарырҕатар үлэтигэр күүс-көмө буолан нэһилиэк саастаах дьонун үөрдэллэр, олохтоохтор махталларын ылыахтарын ылаллар.
Билигин оҕону иитии боппуруоһа олус сытыырхайан турар кэмигэр, бу үтүөкэн холобур. Манна оскуола иһинэн ыытыллар араас иитэр-үөрэтэр үлэлэр үксүлэрэ учууталлары сэргэ төрөппүттэр, төрөппүттэр кэмитиэттэрэ кыттыылаах буолаллара хайҕанар. Бу үлэ сөптөөх хайысханан барарын көрдөрөр. Ыччаты, ордук тыа оскуолаларыгар оҕолору үлэнэн иитии урут да, билигин да үчүгэй эрэ өрүттээҕэ биллэр. Дэлэҕэ, «Үлэ — үөрүү, үлэ — дьол, үлэ — үүнэр-сайдар суол» диэхтэрэ дуо. Ити курдук, Кыайыы 80 сылынан — 80 үтүө дьыаланы оҥорууга оскуолалар ылсаннар, үлэни-хамнаһы тиһиктээхтик салгыыллар. Иһитиннэрбиттэринэн, быйыл 1—11 кылааска диэри хас биирдии кылаас түөртүү үтүө дьыаланы оҥорбуттар. Бэтэрээннэргэ көмөлөспүттэр, искибиэрдэр хаардарын ыраастаабыттар, байыастар дьиэ кэргэттэригэр үөрэх малын, аһы-үөлү тиэрдибиттэр. «Берегиня» кырдьаҕастар дьиэлэригэр киэргэли, дьиэҕэ ол-бу наадалаах кыра малы-салы оҥороллоругар анаан наадалаах матырыйааллары бэлэхтээбиттэр.
Хаартыскаларга: 5 «А» кылаас үөрэнээччилэрэ
Хаартыскалар: Марианна Исакова (кыл.салайааччыта) тиксэриилэрэ
Өлүөнэни туоратар муостаны тутуу бигэргэммит кыраапыгынан ыытыллар. Генеральнай бэдэрээтчит уонна бэдэрээтчит тутар-таҥар үлэ комплексын хааччыйаллар.…
“Саха сирэ – Дьоруойдар дойдулара” – билиини уонна уопуту туһанарга уочараттаах хардыы, диир байыаннай дьайыы…
“Саха “ГТРК “Быһа биэрии” биэриитин эпииригэр Айсен Николаев буолан ааспыт олохтоох салайыныы уорганнарын түмүгүн туһунан…
Быйыл сайын Эбээн Бытантай улууһун Дьарҕаалааҕар от үүнүүтэ мөлтөҕүн да иһин, сүөһүлээх-астаах тыа ыаллара сыл…
Бу күннэргэ Өймөкөөн улууһугар толору оту тиэммит массыыналар "Халыма" федеральнай айан суолунан Өймөкөөн улууһун туһаайыытын…
Саха Өрөспүүбүлүкэтин Ил Дархана Айсен Николаев “Россия24” телеханаалга “Быһа кэпсэтии” бырагыраама эпииригэр Дьокуускайга тырааныспар ситимин…