Улуу Кыайыы 80 сылын көрсө “Өлбөт-сүппэт кинигэ пуолката” быыстапка үлэлиир

Дьокуускайдааҕы Оҕо бибилэтиэкэтигэр Аҕа Дойду Улуу сэриитигэр анаммыт “Өлбөт-сүппэт кинигэ пуолката” виртуальнай быыстапка үлэлиир.

Эдэркээн дьоруойдар улахан дьоннуу оҥорбут хорсун быһыыларын туһунан А.Н. Печерскэй «Дети — герои Великой Отечественной войны: рассказы», Л.А. Кассиль «Улица младшего сына», В.П. Катаев «Сын полка» кинигэлэрэ кэпсииллэр.

Эдэр ааҕааччыларга Ленинград блокадатын туһунан Е.К. Зелинская “Желтый снег…”, Л.А. Кассиль “Рассказы о войне” кинигэлэрин ааҕыҥ диэн сүбэлииллэр.

Саха саллаатын дьылҕатын туһунан “И.В. Борисов “Салалат эриирдээх суолунан” кинигэттэн билсиэххэ сөп, ону тэҥэ “Мы отстояли мир в боях” хомуурунньукка сэрии туһунан Саха сирин бэйиэттэрин хоһоонноро киирбиттэр.

Виртуальнай быыстапка алтынньы 17 күнүттэн сэтинньи 17 күнүгэр диэри үлэлиир, диэн иһитиннэрэр Ил Дархан, Бырабыыталыстыба пресс-сулууспата.