Улуу Кыайыы күнүгэр байыастарга бырааһынньыктааҕы бэлэхтэри ыытыахтара

Улуу Кыайыы 80 сылынан «Бары бииргэ Кыайыыга» суһал хамыыһыйа Саха сириттэн байыаннай дьайыыга сулууспалыыр уолаттарга анаан бырааһынньыктааҕы бэлэхтэри бэлэмнииллэр.

Бу туһунан ыстаап координационнай киинин салайааччыта Георгий Куркутов иһитиннэрдэ.

«Олохтоох тыа хаһаайыстыбатын оҥорон таһаарааччылара аахсыйаны өйөөтүлэр», — диэн кини бэлиэтээтэ.

Ааспыт нэдиэлэҕэ ыстаап байыаннай дьайыы зонатыгар 9 тиэхиньикэни ыыппыта. Билигин волонтердар аадырыстаах баһыылкалары хомуйуунан дьарыктаналлар. Салгыы гуманитарнай таһаҕаһы Дьокуускай куораттан бу сыл кулун тутар 31 күнүгэр ыытыахтара. Куркутов СӨ тырааныспар хампаанньаларын төһө да уустук усулуобуйаҕа таһаҕаһы босхо тиэйиинэн көмө оҥороллорунан махталын биллэрдэ.

Санатан эттэххэ, Росгвардия уонна Оборуона министиэристибэтин өйөбүлүнэн ыстаап байыаннай сулууспалаахтарга анаан доруобунан ытар булт саалары хомуйууну тэрийэр.