Хаартыска "Бастакылар хамсааһыннара" пресс-сулууспатыттан
«Бастакылар хамсааһыннарын» көхтөөх кыттааччылара, үөрэнээччилэр Улуу Кыайыы 79 сылынан Дьокуускайга П.А.Ойуунускай аатынан норуоттар икки ардыларынааҕы аэропуорт, Дзержинскэй уулуссатыгар турар почта уонна «Туймаада» эргиэн киинин түннүктэрин киэргэтэллэр.
Бу Бүтүн Арассыыйатааҕы «Кыайыы түннүктэрэё аахсыйаҕа кыттыһыы иитинэн ыытыллар.
«Бастакылар хамсааһыннара» эрэгийиэннээҕи отделениетыттан иһитиннэрбиттэринэн, манна Дьокуускай куорат оскуолаларын үөрэнээччилэрэ көхтөөх кыттыыны ылбыттар. Оҕолор Улуу Кыайыыны кэрэһилиир бэлиэлэри түннүктэргэ сыһыараллар. «Кыайыы түннүктэрэ» аахсыйа эдэр көлүөнэҕэ Аҕа дойду уоттаах сэриитин кыттыылаахтарын, тыыл бэтэрээннэрин, кинилэр уһансыбыт Улуу Кыайыыларын туһунан кэпсиир, өйдөтөр уонна ыччат махталын ытык дьоҥҥо тиэрдэр.
«Мин Милена Унусян диэммин,Дьокуускай куорат 33 №-дээх оскуолатын 7 кылааһыгар үөрэнэбин. Бу аахсыйаҕа аан бастаан кытынным. Кыайыы символларын түннүктэргэ сыһыартыыбыт, композициялары толкуйдуубут. Биһиги кылааһынан бу аахсыйаҕа кыттарбытыттан наһаа үөрэбин. Иллээхтик, эйэлээхтик, наһаа астынан, үөрэн туран үлэлээтибит. Бу үлэбит дьон болҕомтотун тардыан, кинилэри үөрдүөн уонна Кыайыы туһунан өйдүү-саныы сылдьыахтарын баҕарабыт», — диэтэ Милена Унусян.
«Кыайыы түннүктэрэ» аахсыйаҕа кыттааччылар дьиэлэрин, үлэлиир сирдэрин түннүктрин хартыыналарынан, хаартыскаларынан, уруһуйдарынан, суруктарынан киэргэтэллэр.
Сиһилии https://www.sakha.gov.ru/news/front/view/id/3398083 көрүҥ.
СӨ Ил Дарханын уонна Бырабыыталыстыбатын пресс-сулууспата
Хаартыска «Бастакылар хамсааһыннара» пресс-сулууспатыттан
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…