Улуу Кыайыыга анаммыт «Якутия» хаһыат бирииһигэр эстэпиэтэ

Бу чааска Дьокуускай куоракка «Якутия» хаһыат бирииһигэр Улуу Кыайыы 80 үбүлүөйдээх сылын көрсө 78-с төгүлүн сүүрүү эстэпиэтэтэ ыытылла турар.

«Сахамедиа» холдинг салайааччыта Виктор Колесов, «Якутия» хаһыат эрэдээктэрэ Матрена Кондратьева эстэпиэтэ кыттыылаахтарын эҕэрдэлээтилэр.

Эстэпиэтэни бастакынан оскуола үөрэнээччилэрэ саҕалаатылар. 24 оскуола кыттыбытыттан 31-с оскуола сүүрүүгэ биэтэккэ бастакынан кэллэ, 2-с миэстэ — 33-с оскуола, 3-с миэстэ — 23-с оскуола.

Кыайыылаахтары тута наҕараадаҕа ыҥырдылар. Кубоктар ытыс тыаһыгар арыаллатан туттарылыннылар.