Хаартыска: Л.Николаева тиксэриитэ
Улуу Кыайыы 80 сылынан Хаҕын нэһилиэгэр ырыа куонкуруһа буолла.
Күрэс нэһилиэккэ «Сардаҥа» култуура киинигэр бэрт сэргэхтик ыытылынна. Манна биирдиилээн толорооччулар уонна дуэтынан Хаҕынтан уонна Балаҕаччыттан кэлэн кытыннылар. Күөн күрэһи Хаҕын нэһилиэгин дьаһалтата уонна «Сардаҥа» култуура киинэ тэрийдилэр.
Ырыа куонкуруһа төрөөбүт дойдуга бэриниилээх буолууну, тапталы күүһүрдэр, Аҕа дойду уоттаах сэриитин кыттыылаахтарын, бырааттыы Сэмиэнэптэр ааттарын үйэтитэр, Кыайыы 80 сылыгар тэрээһиннэри, күрэстэри өрө көтөҕүллүүлээхтик тэрийэр, бары тэрээһиннэргэ көхтөөх кыттыыны ылар, саҥа талааннары арыйар сыаллаах-соруктаах ыытылынна.
Күөн күрэс кыттыылаахтара иккилии ырыаны толордулар. Кыайыыга аналлаах уонна төрөөбүт дойду туһунан ырыалары бу күн дьон-сэргэ астына-дуоһуйа иһиттэ. Хас биирдии толорооччуну ытыс тыаһынан арыаллаатылар. Кылаан чыпчаал уонна көрөөччү биһирэбилин ылбыт ырыаһыттарга бырааттыы Сэмиэнэптэр хос сиэннэрин, сиэннэрин, уолларын дьиэ кэргэттэрин ааттарыттан бириистэр туттарылыннылар.
Гран-при үрдүк аатын Айрана Хорунова, Артемий Васильев (Балаҕаччы) ыллылар. 1 истиэпэннээх лауреатынан Ева Ефремова, Анна Докторова (Балаҕаччы), 2 ист. лауреатынан Лидия Николаева, Дьулус Киряев (Хаҕын), 3 ист. лауреатынан Тимофей Григорьев, Евгения Филиппова (Хаҕын) буоллулар. Маны сэргэ 1 истиэпэннээх дипломант аатын Анастасия Иванова, Елизавета Васильева (Хаҕын) , иккис — Елена Колтовская, София Киряева (Хаҕын) ыллылар. Көрөөччүлэр биһирэбиллэрэ Лидия Николаеваҕа, Дьулус Киряевка (Хаҕын) туттарылынна. Тэрээһинтэн дьон-сэргэ улаханнык сэргэхсийдэ. Маннык күрэс тиһиктээхтик ыытылларыгар баҕардылар.
Оксана Слепцова,
Хаҕын, Бүлүү.
Хаартыска: О.Слепцова тиксэриитэ
Соторутааҕыта Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааста. Төрүт сахалыы эйгэни…
Маны таһынан тустууга киһи ис күүһэ улахан оруоллаах. Бу, дьиҥэр, үөрэтиллибэтэх эйгэ. Биирдэ өрдөөҕүтэ биир…
Биллиилээх суруйааччы, суруналыыс, Аҕа дойду Улуу сэриитин кыттыылааҕа, танкист, Албан аат III истиэпэннээх уордьан, бойобуой…
Бүлүү улууһун баһылыга С.Н.Винокуров, улуус дьокутааттарын бэрэссэдээтэлэ Г.С. Корякин салалталарынан улуус нэһилиэгин дьокутааттара СӨ муниципальнай…
РФ Бырабыыталыстыбатыгар "Уһук Илин сулуһа" уопсастыбаннай-дьыалабыай бириэмийэни туттарыы үөрүүлээх тэрээһинэ буолла. "Гектар Победы" номинация кыайыылааҕынан…
Бытарҕан тымныыга быычыкаайык чыычаахтар тоҥмокко, ас көрдөөн букунайалларын көрөн, аһына саныыбын. Хайдах тоҥон, үлүйэн хаалбаттара…