Хаартыска: ulus.media
Москва уобалаһын “Патриот” пааркатыгар “Улахан дьоҥҥо аналлаах суолталааҕы кэпсэтии” диэн Уһук Илин уокуругун муниципальнай тэриллиилэригэр уопсастыбаннай-бэлитиичэскэй үлэни тэрийии боппуруостарынан уокуруктааҕы үөрэтэр сэминээр буолан ааста. Тэрээһиҥҥэ Саха сирин улуустарын баһылыктарын ааҕан туран 300-тэн тахса киһи кытынна. Кыттааччылар сэминээр ис хоһоонун үрдүктүк сыаналаатылар уонна ылбыт билиилэрэ, уоппуттара кинилэр үлэлэригэр көмөлөһүөҕэр эрэллээхтэрин этэллэр. Бу туһунан Улуус медиа суруйар.
Анаабыр улууһун баһылыга Эдуард Платонов:
— “Улахан дьоҥҥо аналлаах суолталааҕы кэпсэтии” сэминээри ыытыы, туох да мөккүөрэ суох инники күөҥҥэ сылдьар быһаарыынан буолар. Уһук Илин патриотическай бэбиэскэни олохсутууга номнуо хаһыс да төгүлүн пионерынан буолар.
Бу үөрэх биһиэхэ, улуус баһылыктарыгар элбэҕи биэрдэ. Бастатан туран, биһиги соҕотох буолбатахпытын, биһигини өйүүллэрин, көмөлөһөллөрүн, этиибит ыйааһыннааҕын уонна ону истиэхтэрин өйдөөтүбүт.
Бу курдук идеяны биир дойдулаахтарбытыгар, чуолаан Анаабыр улууһун олохтоохторугар тиэрдиэхтээхпит.
Иван Лаптев, Орто Халыма улууһун баһылыга:
— Тус бэйэбэр бу сэминээр саҥа билиини биэрэрин таһынан, өрөспүүбүлүкэбит уонна Уһук Илин атын эрэгийиэннэриттэн сылдьар кэллиэгэлэрбин кытта уопут атастастым.
Александр Басыров, Миринэй улууһун баһылыга:
— Улуус баһылыктара вице-премьерга кинилэри долгутар ыйытыыларын биэрдилэр. Ол иһигэр үлэһиттэри өйүүр уонна үөрэх, култуура тэрилтэлэригэр саҥа каадырдары сыһыарыы, мэдисиинэни хааччыйыы хаачыстыбатын тупсарыы, социальнай уонна тырааныспар инфраструктуратын сайыннарыы, территориялары тупсарыыны өйүүр эбии миэрэлэр туһунан ыйытыылары.
Бэлиэтээн эттэххэ, үөрэтэр сэминээр Уһук Илин Федеральнай уокурукка РФ бэрэсидьиэнин боломуочуйалаах бэрэстэбиитэлин аппараата тэрийиитинэн вице-премьер Юрий Трутнев көҕүлээһининэн буолла. Тэрээһиҥҥэ 300-тэн тахса киһи кытынна: муниципальнай уонна куорат уокуруктарын баһылыктара, профильнай ассоциациялар бэрэссэдээтэллэрэ, үрдүкү дуоһунастаах салайааччылар солбуйааччылара, эрэгийиэннээҕи ЦУР салайаачылара, эрэгийиэннэр сокуону таһаарар уорганнарын дьокутааттара, бэйэни салайыныы чилиэннэрэ, уо.д.а.
Улуус медиа саайт суруйар.
Үүнэр сылга социальнай эйгэҕэ саҥа көмө миэрэлэрэ киириэхтэрэ уонна босуобуйалар, төлөбүрдэр суумалара индексацияланан, үрдүөҕэ. Тоҕо…
“Инникигэ хардыы” эдэр чинчийээччилэр өрөспүүбүлүкэтээҕи билим кэмпириэнсийэ-куонкурустара 1996 сылтан ыытыллар. Үбүлүөйдээх 30-с тэрээһин тохсунньу 12-14…
Саха Өрөспүүбүлүкэтин Судаарыстыбаннай Мунньаҕын (Ил Түмэнин) уон алтыс ыҥырыылаах пленарнай мунньаҕа саҕаланна. Пленарнай мунньах ахсынньы…
Кыһын, ахсынньыттан олунньуга диэри, Саха сиригэр кыстыыр көтөрдөргө саамай ыарахан кэмнэр буолаллар эбит. Ол туһунан…
Ахсынньы 21 күнүгэр Саха сирин Тымныытын хаһаайына Чысхаан Москваҕа "Бастакы" ханаалга Саҥа дьыллааҕы “Поле чудес”…
Нам улууһугар Фрунзе нэһилиэгэр кыраайы үөрэтээччи А.Е.Охлопкова төрүччүнү үөрэтии туһунан кэпсээтэ. Бу бэрт туһалаах тэрээһин…