Ааптар хаартыскаҕа түһэриитэ
СӨ Бырабыыталыстыбатын бэрэссэдээтэлин солбуйааччы Георгий Степанов салайааччылаах СӨ Бырабыыталыстыбатын үлэтин отчуоттуур оробуочай бөлөх Ньурба улууһугар үлэтин иккис күнэ улуус кииниттэн тэйиччи сытар Өҥөлдьөнөн түмүктэннэ.
Андрей Николаевич Павлов баһылыктаах Өҥөлдьөҕө, бары кэриэтэ нэһилиэктэргэ курдук, оттук-оҕунуох, бэнсиин сыаната үүнэ-тэһиинэ суох үрдүү турарын туһунан этиннилэр. СӨ Сыана бэлиитикэтигэр судаарыстыбаннай кэмитиэтин бэрэссэдээтэлин солбуйааччы Герасим Гуринов сыана бачча буолуо диэн быһа-бааччы этэр кыах суоҕун бэлиэтээтэ.
Өҥөлдьөлөр 2024 сылга улуус хаһыатын суруйтарыыга 1 миэстэ буолбуттар. Почта ситимин үлэтэ туруктааҕа буоллар, улуус, өрөспүүбүлүкэ хаһыаттарыгар сурутааччылар өссө элбиэ эбиттэр.
Өҥөлдьөлөр атын нэһилиэктэртэн, улуус кииниттэн тэйиччи олороллорунан сибээстээн, биир дьаахханар түгэннээхтэр. «Биһиги таҥара илиитигэр баар курдукпут. Чугастааҕы ойуурбут уокка былдьанан бүттэ. Куһаҕаны санаатахха, уот турар түбэлтэтигэр улахан куттал. Онон, аҕыйах да киһилээх баһаарынай чаас баара буоллар. Ол кыаллыбат буоллаҕына, тэрилтэлэргэ харабыл үлэһиттэр көрүллэллэрэ буоллар», — диэн олохтоох этиини киллэрдилэр.
Отчуот түмүгэр Георгий Михайлович уу сахалыы тылынан дьоһуннаах иһитиннэриини оҥорбутугар, барытын орун оннугар быһаарбытыгар махтаннылар.
Онтон Георгий Степанов 2025 сыл сүрүн соруктарын билиһиннэрдэ уонна кыһалҕалар быһаарыллалларын туһугар бары биир киһи курдук сомоҕолоһон үлэлииргэ ыҥырда.
Ааптар хаартыскаларга түһэриитэ
Дьокуускайдааҕы полиция 2-с №-дээх отделын дьуһуурунай чааһыгар көмпүүтэрдиир кулууп бэрэстэбиитэлэ наушник уоруллубутун туһунан иһитиннэрбит. Бу…
Сорох социальнай ситимҥэ "Биир ньыгыл Арассыыйа" бэлитиичэскэй баартыйа балаҕан ыйын 14 күнүнээҕи быыбарга бэйэтигэр ылыммыт…
Оҕо ыалдьыбатын уонна уруоктар кэннилэриттэн сылайбатын туһуттан сөпкө аһыы-сии сылдьыахтаах. Үөрэнээччи күннээҕи аһылыгын рационун туһунан…
Дьокуускай куорат төрөөбүт күнүгэр, балаҕан ыйын 14 күнүгэр, киин куоракка 14 оҕо күн сирин көрдө…
Дьокуускайга полиция 3-с №-дээх отделыгар 30 тыһ.солк. суумалаах бэлисипиэди уорбуттарын туһунан иһитиннэрбиттэр. Бу туһунан СӨ ИДьМ…
Бүгүн Ил Дархан Айсен Николаев Бырабыытылыстыба уонна дьаһалта былаанныыр мунньаҕар федеральнай уонна стратегическай көҕүлээһиннэри олоххо…