Улуус сайдыытыгар үтүөлээх дьон наҕараадаланнылар

СӨ Бырабыыталыстыбатын бэрэссэдээтэлин бастакы солбуйааччыта Дьулустаан Борисов ситэриилээх былаас отчуотун кэминэр Үөһээ Бүлүү улууһун сайдыытыгар үтүөлээх дьоҥҥо наҕараадалары туттарда.





Өр сыллаах үтүө суобастаах үлэтин иһин СӨ ОДьКХ-н «Коммунтеплосбыт» судаарыстыбаннай тэрилтэтин Үөһээ Бүлүүтээҕи учаастагын салайааччытын солбуйааччыта Вера Ариносова, «Саха Өрөспүүбүлүкэтин олох-дьаһах, коммунальнай хаһаайыстыбатын бочуоттаах үлэһитэ» бэлиэни тутта. Улуустааҕы киин балыыһа сүрүн бырааһын экэниэмикэҕэ солбуйааччыта Татьяна Абрамова өр сыллаах үтүө суобастаах үлэтин иһин Саха Өрөспүүбүлүкэтин Доруобуйа харыстабылын министиэристибэтин, Д.С.Спиридонов аатынан улуустары гимназия минньигэс астаах асчыта Надежда Баянаева СӨ Үөрэҕин уонна билимин министиэристибэтин уонна ОДьКХ Үөһээ Бүлүүтээҕи филиалын сүрүн экэнэмииһэ Анастасия Николаева махтал суругунан бэлиэтэннилэр. Үөрэх систиэмэтигэр кылаатын иһин 6-с №-дээх комбинированнай көрүҥнээх «Солнышко» уһуйаан иитээччитэ Мария Григорьева Саха Өрөспүүбүлүкэтин Үөрэҕин уонна билимин министиэристибэтин Бочуотунай грамотатынан бэлиэтэннэ.
Ааптар хаартыскаларга түһэриитэ
Сообщить об опечатке
Текст, который будет отправлен нашим редакторам: