Хаартыска: Доруобуйа харыстабылын министиэристибэтэ
“Доруобуйа харыстабыла” национальнай бырайыак иһинэн доруобуйа харыстабылын бастакы сүһүөх звенотун модернизациялааһын бырагырааматын көмөтүнэн, Эдьигээн улууһун оройуоннааҕы киин балыыһата аныгы тэриллэринэн хааччылынна.
Ол эбэтэр О.Г.Захарова аатынан балыыһа «РуСкан 60» ультразвуковой диагностика систиэмэтэ, «WATO» норкуос-тыынар аппараат уонна “Парус” диэн көһө сылдьар рентген-аппараат курдук саҥа аныгы тэриллэрдээх буолла.
“Бу нэдиэлэттэн ыла саҥа тэриллэри хайыы үйэ туһанан, ыарыыны быһааран эмтээһини саҕалаатыбыт. Бу үөрүүлээх түгэн Эдьигээн улууһун олохтоохторугар оҥоһуллар мэдиссиинэ көмөтө табыгастаах буоларыгар уонна хаачыстыбан үрдэтиигэ дьоһуннаах хардыынан буолар”, — диэн оройуоннааҕы киин балыыһа кылаабынай бырааһа Владимир Татаринов иһитиннэрдэ.
Манна даҕатан эттэххэ, соторутааҕыта “Парус” диэн көһө сылдьар рентген-аппараат Уус Алдан улууһун оройуоннааҕы киин балыыһатыгар эмиэ баар буолбута. «Бу аппараат көмөтүнэн ыарыһах балаататыгар киирэн уонна эпэрээссийэ кэмигэр түргэнник чинчийиини ыытар кыахтаммыппытыттан олус үөрэбит. Ити быраастар үлэлэрин улаханнык чэпчэтэр уонна сүрүнэ диэн, сытар ыарыһахтарга табыгастаах. Рентген-аппараат устубутун бырааска Wi-Fi эбэтэр флешканан тириэрдиэххэ сөп», — диэн Уус Алдан улууһун Оройуоннааҕы киин балыыһатын кылаабынай бырааһа Анна Петрова сонунун үллэстибитэ.
Быйыл сайын Эбээн Бытантай улууһун Дьарҕаалааҕар от үүнүүтэ мөлтөҕүн да иһин, сүөһүлээх-астаах тыа ыаллара сыл…
Бу күннэргэ Өймөкөөн улууһугар толору оту тиэммит массыыналар "Халыма" федеральнай айан суолунан Өймөкөөн улууһун туһаайыытын…
Саха Өрөспүүбүлүкэтин Ил Дархана Айсен Николаев “Россия24” телеханаалга “Быһа кэпсэтии” бырагыраама эпииригэр Дьокуускайга тырааныспар ситимин…
Аллайыаха улууһун Оленегорскай олохтооҕо Виктория Трофимова күһүҥҥү көстүүнү хаартыскаҕа түһэрэн ыытта. -- Быйыл отон аанньа…
«Саханефтегазсбыт» ыччат идэтийиитигэр былааннаах үлэтин салгыыр. Бу күннэргэ А.Е.Мординов аатынан Тааттатааҕы лиссиэй улахан кылааһын үөрэнээччилэригэр анаан…
Саха сиригэр балаҕан ыйын 20 күнүттэн алтынньы 20 күнүгэр диэри любительскай балыктааһыҥҥа илими туһаныы бобуллар.…