Улуустааҕы мас тардыһыы буолан ааста

Соторутааҕыта Кэбээйи улууһун Чагда сэл. А.С.Борисов аатынан «Тускул» сынньалаҥ киинигэр эстибэт эрчим, кыайыыга дьулуур, күүстээх санаа түһүлгэтигэр улуустааҕы мас тардыһыы күрэҕэ өрө көтөҕүллүүлээхтик ыытылынна.

Күөн көрсө, күрэс былдьаһа ыаллыы сытар Кэбээйи, Мастаах, Мукучу нэһилиэктэриттэн кэллилэр, онон помоска 4 хамаанда күөн көрүстэ. Күрэх үөрүүлээх аһыллыытын муниципальнай тэриллии баһылыга Айыл Седельников, мас тардыһыытыгар СӨ спордун маастара, физическай культура уонна спорт туйгуна Федор Дмитриев хас биирдии күрэх кыттааччыларыгар кыайыыга дьулууру, ким дьарыктаах ол  кыайарыгар анаан баҕа санааларын этэн астылар.

“Күрэхтэһиигэ күүс-көмө буолбут дьоммутугар Василий Васильевич Павловка, Константин Иванович Ноговицынҥа, Владимир Васильевич Татариновка, Федор Николаевич Дмитриевка, Афанасий Афанасьевич Атласовка, Данил Альбертович Борисовка, Мирослав Саввич Егоровка, Виктор Викторович Федоровка, Владислав Саввич  Егоровка, Григорий Григорьевич Ноговицынҥа, Иван Григорьевич Эверстовка, Василий Васильевич Соловьевка, Иосиф  Еремеевич Ноговицынҥа, Назир Толонбекович Карасартовка, Вадим Степанович Даниловка, Егор Михайлович Даниловка, Юрий Ионович Эверстовка, Киил Афанасьевич Федоровка, Клара Сергеевна Винокуроваҕа, Надежда  Гаврильевна Эверстоваҕа уонна күрэхтэһиини көҕүлээн тэрийбит нэһилиэкпит баһылыгар Айыл Александрович Седельниковка барҕа махталбытын тиэрдэбит”, — диэн «Тускул» сынньалаҥ киинин уус-уран салайааччыта Альбина Ноговицына махталын биллэрэр.

Икки күннээх тыҥааһыннаах киирсии түмүгүнэн 2010 с.т. уолаттарга 40 кг 1 миэстэни Федоров Витя (Чагда), 45 кг. 2010 с.т. уонна кыра саастаах уолаттарга 1 миэстэни Эверстов Коля (Чагда), 50 кг  2010 с.т. уонна кыра саастаах уолаттарга 1 миэстэни Лепчиков Гена (Мастаах), 55 кг. 2010 с.т. уонна кыра саастаах уолаттарга 1 миэстэни Влад Эверстов (Кэбээйи), 65 кг. 2007 с.т. уонна кыра саастаах уолаттарга Мальцев Кирилл (Мастаах) 1 миэстэни,  50 кг. 2007 с.т. уонна кыра саастаах уолаттарга Оконешников Герман (Кэбээйи) 1 миэстэни, 55 кг Спиридонов Аян (Мастаах) 1 м., 65 кг. Мальцев Кирилл (Мастаах) 1 м., 70 кг. Ноговицын Егор Мастах Арыктах 1 место, 80 кг. Винокуров Марат (Кэбээйи) 1 м. ылан үөрүү өрөгөйүн туттулар.

Оттон эр дьоҥҥо 65 кг. Чагдаттан Эверстов Андрей 1 миэстэни, 85 кг. Соловьев Авксентий (Чагда) 1 м., бэтэрээннэргэ 85 кг Ноговицын Егор (Кэбээйи) 1 миэстэ буоллулар.