Улуустан элбэх буолан кэлэн харахтарын эпэрээссийэлэтэллэр

Офтальмология өрөспүүбүлүкэтээҕи балыыһата улуустартан кэлбит ыарыһахтар  катаракталарын суһаллык эмтиир. Улуустан кэлбит дьон биир күн иһигэр тустаах көмөнү ылаллар. Онуоха өссө табыгастаах буоларын туһугар эпэрээссийэ кэнниттэн сарсыныгар Дьокуускайтан баралларыгар босхо айанныыллара хааччыллар.

Чуолаан, бу нэдиэлэҕэ Мэҥэ Хаҥалас улууһун 29 олохтооҕо балыыһаҕа киирэн хараҕын эпэрээссийэлэттэ. Онтон тохсунньу 26 күнүгэр, нэдиэлэ саҥатыгар атын бөлөх кэлэрин күүтэллэр. Эпэрээссийэҕэ кэлээччилэри улуустааҕы киин балыыһа бэлэмниир. Онтон айан боппуруоһугар улуус дьаһалтата көмөлөһөн, массыына биэрэр.

РФ бэрэсидьиэнэ Владимир Путин көҕүлээбит “Уһун уонна көхтөөх олох” национальнай бырайыак чэрчитинэн,  эмтэнээччилэр туһааннаах көмөнү кылгас кэм иһигэр ылаллар.