Арассыыйа муниципальнай пуорумугар баһылыктар кытталлар

 «Малая Родина – сила России» Бүтүн Арассыыйатааҕы иккис муниципальнай пуорум Москваҕа РФ Бэрэсидьиэнэ Владимир Путин сорудаҕынан муус устар 21-23 күннэригэр ыытыллар.

Манна бары эрэгийиэннэртэн уопсайа түөрт тыһыынчаттан тахса киһи түмүстэ. Бу тэрээһиҥҥэ Саха сирин дэлэгээссийэтэ кыттыыны ылар.

Оробуочай бөлөх дьоҕус куораттары, тыа сирин, сири-уоту кэлимник сайыннарыыга, ону сэргэ коммунальнай уонна транспорт инфраструктуратын сайыннарыыга туһуламмыт кэпсэтиилэргэ кыттар.

—Уопут атастаһыыта уонна тиһиктээхтик үөрэтии — бу көдьүүстээх салайыы сүрүн тутуллара. Муниципалитеттар баһылыктара билиилэрин-көрүүлэрин түмэн, гражданнар олохторун-дьаһахтарын хаачыстыбатын үрдэтиигэ, сири-уоту сайыннарыыга, уопсастыбаҕа  бигэ тирэхтээх буолууну оҥорор, үөскэтэр кыахтанналар, — диэн СӨ Ил Дарханын уонна Бырабыыталыстыбатын дьаһалтатын олохтоох салайыныы боппуруостарыгар департаменын салайааччыта  Иван Попов бэлиэтиир.

РФ Бэрэсидьиэнэ В.Путин дойдуларыгар, дьоҥҥо-сэргэҕэ көмөлөһөргө дьулуһар, чаҕылхай уонна барыга көхтөөх дьону ханна да үлэҕэ ылалларын бэлиэтээтэ. Кинилэр үөрүйэхтэрин атастаһаллар уонна бастыҥ быраактыкаларын тарҕаталлар.

—Эһиги кэккэҕитигэр, ситэриилээх былаас муниципальнай уорганнарыгар, тэрилтэлэргэ чаҕылхай дьон элбэхтэрин билэҕит. Кинилэр бэйэлэрин дьыалаларынан тиһиктээхтик дьарыктаналлар, билиилэрин-көрүүлэрин хаҥаталлар, үйэлэри уҥуордаабыт баай үгэстэргэ олоҕураллар, билиилэрин, күүстэрин-уохтарын чопчу уларыйыыларга, ол иһигэр кыра куораттарга, тыа сирдэригэр, төрөөбүт дойдулара сайдарыгар, ол аата биһиги дойдубут бүттүүнүн сайыннарарга бэлэмнэр, — диэтэ РФ Бэрэсидьиэнэ.

Сиһилии https://www.sakha.gov.ru/news/front/view/id/3491535  манна көрүөххэ сөп.