Хаартыска: Ил Дархан уонна бырабыыталыстыба пресс-сулууспата.
Бу күннэргэ Үөһээ Бүлүү улууһун нэһилиэктэрин олохтоох дьаһалталарын үлэһиттэригэр уйулҕаһыттар анал үөрэх сэминээрдэрин ыыттыллар.
Улууска сотору кэминэн өрөспүүбүлүкэтээҕи Уйулҕаһыттар кииннэрин филиала аһыллыаҕа. Бу туһунан ахсынньы 6 күнүгэр ыытыллыбыт брифиҥҥэ өрөспүүбүлүкэтээҕи Уйулҕаһыттар кииннэрин дириэктэрэ Владимир Скрябин иһитиннэрдэ. «Байыаннай дьайыы бэтэрээннэрин кытта үлэлиир уопуттаах уйулҕаһыт, киини төрүттээччи, дириэктэри психологическай үлэҕэ солбуйааччы Октябрина Туприна анал эпэрээссийэни кытта сибээстээн, араас үөскээн тахсар социальнай кыһалҕалары уонна иирсээн төрүөтүн быһаарыы ньымаларын кэпсээтэ. Социальнай хайысхалаах үлэлээх муниципальнай үлэһиттэри кытта маннык сэминээрдэр кэмиттэн кэмигэр тиһигин быспакка ыытыллыахтара», — диэн бэлиэтээтэ Владимир Скрябин. Байыаннай сулууспалаахтар уонна кинилэр дьиэ кэргэттэрин көрдөһүүлэринэн психологическай өттүнэн өйөөһүҥҥэ нэдиэлэ устата өрөспүүбүлүкэҕэ уонна госпиталларга 320 уйулҕаһыттар өйөбүллэрэ оҥоһулунна, 430-ча биирдиилээн уонна бөлөҕүнэн психологическай үлэ ыытылынна. Көмөҕө уонна уйулҕаһыттар өйөбүллэригэр наадыйааччылар маннык нүөмэрдэргэ эрийиэхтэрин сөп: : 8-800-100-35-50 эбэтэр 122, онтон 6 уонна 28 (суукканы эргиччи үлэлиир) уонна (4112) 31-91-09 — үлэ кэмигэр. Бу нүөмэртэн улуустарга баар салаалар нүөмэрдэрин эмиэ билиэххэ сөп.
Байыаннай дьайыы кыттыылаахтарыгар уонна кинилэр дьиэ кэргэттэригэр оҥоһуллар уйулҕаһыттар үлэлэрэ Ил Дархан Айсен Николаев аатыттан СӨ Бырабыыталыстыбатын бэрэссэдээтэлин солбуйааччы Ольга Балабкина тус бэйэтэ сүрүннүүр.
Нерюнгри улууһун Чульман бөһүөлэгэр 18 саастаах уол таһырдьа -40 кыраадыс буолан турдаҕына, дьиэлэр ититиилэрин ситимнэрин…
Элбэх оҕолоох уонна уустук балаһыанньаҕа түбэспит 94 дьиэ кэргэн оҕолоругар норуот дьокутаата уонна «Саханефтегазсбыт» АУо…
Ахсынньы 25 күнүгэр Украинаҕа эйэлээх сөбүлэһии оҥоһуллуохтаах диэн Трамп олохтообут болдьоҕо бүттэ. Билиҥҥи туругунан эйэлээх…
Саха сиригэр "Дьиэ кэргэн" национальнай бырайыагынан 437 мэдиссиинэ аныгы тэрилэ кэллэ. Арассыыйа бэрэсидьиэнэ Владимир Путин көҕүлээбит…
«Үлэ киһитэ» бириэмийэ араас салааларга үлэлиир дьон үлэҕэ ситиһиилэрин өрөспүүбүлүкэтээҕи билиниитэ буолла. Ил Дархан Ил…
2026 сыл -- Ат сыла үүнэрэ аҕыйах хонук хаалла. Бары даҕаны бу күүтүүлээх, долгутуулаах кэлэр…