Хаартыска: sakha.gov.ru ылылынна
Байыастарга гуманитарнай көмөнү илдьибит улуустар дэлэгээссийэлэрин ДНӨ тирэх пууннар арыаллаатылар. Бу туһунан тирэх пууннар сүрүн координатордара «Юстас» иһитиннэрдэ.
«Бу күннэргэ Үөһээ Бүлүү, Бүлүү, Сунтаар, Мэҥэ Хаҥалас, Булуҥ улуустарыттан бэрэстэбиитэллэр байыаннай сулууспалаахтарга гуманитарнай көмөнү, тиэхиньикэни, байыастар дьонноруттан баһыылкалары аҕаллылар. Чаастарга тиийии эрдэ оҥоһуллубут кыраапыгынын барда», — диэн эттэ кини.
«Юстас» кэнники УАЗ массыыналар, «Якт-Сокол» икки квадроцикл уонна онно саппаас чаастар бэриллибиттэрин эттэ.
«ДНӨ мэхээнньиктэр бөлөхтөрө элбэх тиэхиньикэни оҥорон стройга төннөрдө. Нэдиэлэ иһигэр уон квадроциклы өрөмүөннээтилэр», — диир кини.
«Юстас» иһитиннэрбитинэн, гуманитарнай көмөнү уонна тиэхиньикэни таһынан ДНӨ, ЛНӨ, Курскай уобаласка тирэх пууннар үлэһиттэрэ байыаннай сулууспалаахтарга 183 баһыылканы тиэрдибиттэр.
«Тирэх пууннар байыастарга Кыайыы күнүн көрсө ас-үөл наборун тиэрдиэхтэрэ. Билигин көрсөр сирдэр чопчуланаллар, экипажтар айанныыр суоллара быһаарыллар», — диир кини.
СӨ Ил Дарханын уонна Бырабыыталыстыбатын пресс-сулууспата
«Саханефтегазсбыт» АУо 2025 сылга ыраах сытар, сылы эргиччи суола-ииһэ суох, автозаправочнай (АЗС) уонна контейнернай автозаправочнай…
Суруналыыстары кытта көрсүһүүтүгэр киин куорат мээрэ Евгений Григорьев мээрийэ өйөбүлүнэн тахсар "Киин куорат" хаһыат туһунан…
Саха сиринээҕи Суһал ыстаап анал байыаннай эпэрээссийэҕэ кыттааччылары наадалаах тэриллэринэн уонна тиэхиньикэнэн хааччыйыыга систиэмэлээх үлэтин…
Саҥа дьылга Соҕуруу федеральнай уонна Хотугу Кавказтааҕы уокуруктартан ураты Арассыыйа Европатааҕы чааһын үгүс сиригэр хаардыыр.…
Бу түбэлтэни Александр Аргунов аҕабыыт 1913 с. “Якутские Епархиальные Ведомости” сурунаал 17-с нүөмэригэр бэчээттэппит. 1908…
Тохсунньу 1 күнүттэн киин куоракка оптуобус төлөбүрэ 58 солкуобайга диэри үрдүүрүн туһунан киин куорат баһылыга…