Хаартыска уонна видео - Елена Потоцкая
«Саха сирин маастардара» быыстапка-дьаарбаҥка быйыл 13 төгүлүн ыытыллар.
Кыттааччылар уонна көрөөччүлэр бэлиэтииллэринэн, сылтан сыл аайы тупсан иһэр. Кыттааччы элбээн да иһэриттэн буолуо, быйыл Өксөкүлээх Өлөксөй аатынан Норуоттар доҕордоһууларын дьиэтэ олус кыараабыт курдук буолан биэрдэ. Ол курдук, Эбээн-Бытантай улууһун маастардара биирдии бэйэлэрэ уонтан тахсалыы үлэлээх кэлбиттэр.
Онон Эбээн-Бытантай улууһун маастардарын үлэлэрэ көрөөччү болҕомтотун киинигэр буоллулар. Ол курдук, Ньургуяна Колесова тикпит таҥастара сыалай коллекция эбит. Кини эбии үөрэхтээһин учуутала буолан, оҕолору үөрэх кэнниттэн иискэ дьарыктыырын туһунан биир дойдулаахтара киэн тутта кэпсээтилэр.
Эдэр маастар бу үлэтин бүгүн хаартыскаҕа түһэрбэтэх киһи суох буолуохтаах.
Дьокуускайдааҕы технология уонна дизайн кэллиэһин устудьуоннара оҥорбут куукулалара дьон болҕомтотун тартылар. Ыччаттар куукула араас көрүҥүн оҥорууну дэгиттэр баһылаабыттар.
Былырыын Саха сирэ төрүттэммитэ 100 сылын бэлиэтээбит буолан, үгүс үлэ улуустар гиэрбэлэригэр анаммыт.
Кэбээйи улууһун иистэнньэҥнэрин үлэлэрин норуот маастара Елизавета Софронеева билиһиннэрдэ.
Дьэ, онон бу быыстапка-дьаарбаҥкаҕа сылдьа илик дьон, хайаан да Өксөкүлээх Өлөксөй аатынан Норуоттар Доҕордоһууларын дьиэтигэр тиэтэйиҥ!
Бүгүн, ахсынньы 12 күнүгэр, 202-с түөлбэҕэ саҥа элбэх функциялаах ыччат "Патриот" киинигэр өрөспүүбүлүкэ ыччатын түмүктүүр…
Саха сирин үөрэҕин систиэмэтигэр суолталаах тэрээһинэн буолбут “Сыл учуутала” өрөспүүбүлүкэтээҕи 34-с төгүлүн ыытыллар күөн күрэс…
1941-45 сыллардааҕы Аҕа дойду сэриитигэр Сэбиэскэй норуот кыайыытынан түмүктэммитэ 80 сылынан, Арассыыйаҕа Аҕа дойдуну көмүскээччитин,…
Өрөспүүбүлүкэтээҕи медиа-кииҥҥэ ГТРК «Саха» 20 сыллаах үбүлүөйүгэр анаммыт үөрүүлээх киэһэ буолан ааста. Бу туһунан ЯСИА…
И.Н. Егоров – Горнай аатынан хараҕынан мөлтөхтүк көрөр уонна көрбөттөргө аналлaах өрөспүүбүлүкэтээҕи анал бибилэтиэкэ «Брайль…
Дьокуускайга “Малая родина – Сила России” Бүтүн Арассыыйатааҕы III муниципальнай пуорум сиэссийэтэ түмүктэннэ. Тэрээһин түмүгүнэн…