Улуустарга элбэх оҕолоох ыал оҕолорун оптуобустар босхо таһыахтара

Саха сирин улуустарыгар элбэх оҕолоох ыал оҕолорун босхо таһар оптуобустар баар буолуохтара. Оҕолор уопсастыбаннай тырааныспарынан ыйга босхо 96-та айанныахтарын сөп. Бу туһунан СӨ Үлэҕэ уонна социальнай сайдыыга министиэристибэтэ иһитиннэрэр.

Бу бырайыак бүгүҥҥү күҥҥэ 103 оскуоланы хабар: Мэҥэ Хаҥалас Майатыгар, Аллараа Бэстээҕэр, Сунтаар сэлиэнньэтигэр, Үөһээ Бүлүү сэлиэнньэтигэр, Горнай Бэрдьигэстээҕэр, Ньурба куоракка, Нам сэлиэнньэтигэр, Чурапчы сэлиэнньэтигэр уонна Дьокуускайга.

Оптуобус төлөбүрэ АЭБ тырааныспар каартатын баазатыгар оҥоһуллар.