Тохсунньу 18-19 күннэригэр «Триумф» уораҕайыгар чэпчэки атлетикаҕа бэтэрээннэргэ (40 саастарыттан үөһээ саастаахтарга) өрөспүүбүлүкэ таһымнаах күрэхтэһии буолла.
Түһүлгэҕэ улуустартан быһый атахтаахтар, бастыҥ спортсменнар мустан күөн көрүстүлэр, илин-кэлин түһүстүлэр. Бу күрэхтэһиигэ Бээдиттэн төрүттээх биир дойдулаахтарбыт Бочкарев Иннокентий Захарович уонна Готовцев Василий Васильевич кыттыыны ыллылар. Иннокентий Захарович Бочкарев бэйэтин саастыылаахтарыгар 1500 м бастаата. Өссө 800 м абсолютнайга сүүрэн эмиэ кыайыылаах үрдүк аатын ылан барыбытын үөртэ. Оттон кини быраата Андрей Бочкарев атаҕын эчэтэн, күрэхтэһии саҕаланыытыгар туораан хаалбыта кыһыылаах. Убайа Иннокентий: «Быраатым Андрей эрчиллиитэ үчүгэй этэ. Туораабатаҕа буоллар, арааһа, миэстэлэһэрэ хаалла», — диэн сонньуйар.
Манна даҕатан , өрөспүүбүлүкэҕэ эмиэ биллэр-көстөр спортсмен Готовцев Василий Васильевич бу күрэхтэһиигэ ситиһиитин сырдатыахха. Ол курдук, кини бэйэтин саастыылаахтарыгар 1500 м уонна абсолютнайга бастаабыт. Оттон 3000 м иккис буолбут. Василий Васильевич өрөспүүбүлүкэҕэ хаста даҕаны бастыы сылдьыбыта. Бу да сырыыга хас даҕаны күүстээх спортсмены кэннигэр хаалларда.
Дьэ ити курдук биһиги, бээдилэр, быһый атахтаах спортсменнарбытынан киэн туттабыт.
Иван Сивцев — Бээди
И.Бочкарев хаартыската.
Ил Дархан Айсен Николаев өрөспүүбүлүкэ терроризмы утары охсуһар хамыыһыйатын уонна суһал ыстаап холбоһуктаах мунньаҕын ыытта.…
Виктория Семенова унтуу тикпитэ сүүрбэччэ сыл буолбут. Бэйэтэ этэринэн, бу сыллар тухары 50 тыһыынчаттан тахса унтууну…
Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…