Хаартыска: Олег Ворожейкин
Күннэй аатынан биллэр Саха сирин ырыаһыта Ульяна Ли-Фу Владивостокка Shambala Poker Club тэрийбит «DEEPSTACK POWERWEST» диэн аптарытыаттаах покер турнирыгар кыайыылаах таҕыста.
Быһаарыылаах оонньууга кини дьулуурун көрдөрөн, утарылаһааччыта бааны үллэстэргэ этиитигэр: «Кубок, эбэтэр туох да суох!», — диэн хоруйдаабыт. Түмүгэр наҕараада Ульянаҕа тигистэ, оттон бириис харчытын тэҥҥэ үллэстибиттэр. Бу туһунан «Якутия24» саайт суруйар.
Ульяна пандемия кэмигэр, түөрт сылтан ордук анараа өттүгэр, покерынан үлүһүйэн саҕалаабыт. Кини этэринэн, бу дьарыгар математикаҕа таптала көмөлөһөр. «Мин математикаҕа олимпиадникпын, суоттуурбун олус сөбүлүүбүн. Турнирнай покерынан дьарыктанабын, стратегиялары үөрэтэбин уонна Саха сирин биир бастыҥ идэтийбит оонньооччутугар — Дмитрий Махаровка дьарыктанабын», — диэн чөмпүйүөн үллэһиннэ. Турнир тэрийээччилэрэ финал туһунан чаҕылхайдык кэпсээтилэр: «Хедс-апка (биир-бииргэ оонньууга) Омар убай уонна Ульяна хааллылар. Омар, дьиҥнээх джентльмен быһыытынан, бааны тэҥҥэ үллэстэргэ этии киллэрдэ. Ол эрээри биһиги чөмпүйүөнкэбит: «Кубок, эбэтэр туох да суох!» — диэбит. Санаатын күүһүнэн уонна сатабылынан Ульяна кыайыыны ситиһэн, барыларын сөхтөрдө». Инникитин Ульяна покерга салгыы сайдар былааннаах.
Атырдьах ыйын 2 күнүгэр Дьокуускай куорат үлэтэ суох 25 саастаах олохтооҕор «мобильнай оператор үлэһитэ» диэн…
Билигин арбуз дэлэйэн сыаната арыый түстэ. Ортотунан маҕаһыыннарга киилэтэ 110-130 солк.тэҥнэстэ. Оттон кууһунан атыылыыр Чернышевскай…
Бу нэдиэлэ бүтүүтэ Саха сириттэн байыастарга өссө үс тиэхиньикэни ыытары былаанныыллар. Бу туһунан нэдиэлэтээҕи брифиҥҥэ…
Билбэт киһиттэн каартаҕа харчы түспүт түгэнигэр, бу түөкүннэр дьайыылара буолуон сөп. Бу туһунан Объясняем.рф. саайт…
Тыа хаһаайыстыбатын уонна ас-үөл бэлиитикэтин министиэристибэтэ грант көрүллүүтүгэр “Агросартапка” атырдьах ыйын 12 күнүттэн докумуону тутан…
Саха сиригэр байыаннай дьайыы байыастарыгар анаан өрөспүүбүлүкэттэн доруоп саа уочараттаах хомуура саҕаланна. Бу туһунан бүгүҥҥү…