Хаартыска улусмедиа
Бүгүн Саха төрүт бэчээтин күнүнэн бырабыыталыстыба дьиэтин Өрөспүүбүлүкэ саалатыгар бэчээт эйгэтин, хаһыат, сурунаал, телевидение үлэһиттэрин эҕэрдэлээтилэр.
«Саха сирэ» хаһыат кэрэспэдьиэнэ Ульяна Захарова Саха Өрөспүүбүлүкэтин Бэрэссэдээтэлин солбуйааччытын Грамотатынан наҕараадаланна. Ульяна хаһыакка кэлиҥҥи кэмҥэ сытыы тиэмэлэргэ ырытыылары оҥорорун хаһыат ааҕааччылара элбэхтик сэргии ааҕар буолуохтаахтар. Кини бу үөрүүлээх бэлиэ күн санаатын маннык үллэстэр:
— Саха төрүт бэчээтин күнүнэн биир идэлээхтэрбин истиҥник эҕэрдэлиибин! Бу күн саха тыллаах суруналыыстарга ураты бэлиэ күн. Мин бэчээт эйгэтигэр, чуолаан, суруналыыстыкаҕа 2007 с. үлэлиибин. «Саха сирэ» хаһыакка аан бастаан «Эдэр саас» хаһыаттан үлэбин саҕалаабытым. Үөрэхпин саҥа бүтэрэн кэлбит киһиэхэ, миэхэ, саха суруналыыстарын «аксакаллара» күүс-көмө, сүбэ-ама буолбуттара. Оччоттон уһуйуллан, билигин «Саха сирэ» хаһыакка айымньылаахтык үлэлии сылдьабын. Төрөөбүт тылбыт, сурукпут-бичикпит сайдарын уонна сүппэтин туһугар биһиги, бэчээт эйгэтин үлэһиттэрэ эппиэтинэһи сүгэбит. Түгэнинэн туһанан, биир идэлээхтэрбэр, кэллэктииппэр Саха төрүт бэчээтин күнүнэн эҕэрдэбин тиэрдэбин!
Хаҥалас улууһун Мохсоҕоллоох бөһүөлэгэр бойобуой дьайыылар, локальнай сэриилэр, байыаннай дьайыы бэтэрээннэригэр анаммыт стела үөрүүлээх быһыыга-майгыга…
Тымныы түһэрин кытта гараастарга баһаар ахсаана элбиир. Аҥардас алтынньы саҕаланыаҕыттан Саха сиригэр 16 уот турбута…
2025 сыл үс кыбаарталын түмүгүнэн энергетиктар өрөспүүбүлүкэ Арбитражнай суутугар 662 мөлүйүөн солкуобайтан тахса суумалаах 502…
Алтынньы 19 күнүгэр Сахабыт сиригэр Ийэ күнэ бэлиэтэнэр. Ийэ күнүн көрсө киин куораппытыгар элбэх кэнсиэртэр…
Өлөөн улууһугар бэҕэһээ бөртөлүөт көтөн, сүппүт табалары булууга көмөлөстө. Бүгүн “Өлөөн” МУП зоотехнига Марина Николаева…
Саха сиригэр дьон үксэ ипэтиэкэ көмөтүнэн дьиэ-уот оҥостор. Соторутааҕыта “Тыа сирин ипэтиэкэтэ” (“Сельская ипотека”) диэн …