«Умный транспорт» сыһыарыы тоҕо үлэлээбэт буолла?

Ыам ыйын 2-3 күннэригэр Дьокуускай куоракка оптуобустар сырыыларын көрдөрөр «Умный транспорт» сыһыарыы үлэтэ сороҕор хааччахтана сырытта. Бу тоҕо маннык буолбутун киин куорат дьаһалтата быһаарда.

Дьокуускай куорат дьаһалтатын суолга-тырааныспарга сулууспата иһитиннэрбитинэн, бу мобильнай сыһыарыы үлэтэ «Ростелеком» лииньийэтигэр саахал тахса сылдьыбытын кытта сибээстээх.

Бу саахалы туоратар үлэлэр ыам ыйын 3 күнүгэр күнүс 1 чааска диэри буолуохтара.

«Умный транспорт» мобильнай сыһыарыы — бу чахчы туһалаах, оптуобустар ханна сылдьалларын, тохтобулга хас мүнүүтэнэн кэлэллэрин көрдөрөр. Онон бириэмэҕин суоттанаҕын, урукку курдук чаас аҥаарын быһа оптуобуһу кэтэспэккин.