Умсугутуулаах «Умсулҕан» түмсүү отут сылын туолла

Уус Алдан улууһугар Бороҕоҥҥо оҕо бибилэтиэкэтин иһинэн үлэлиир С.Н.Луковцев салайааччылаах «Умсулҕан» кэллиэксийэньиэрдэр түмсүүлэрэ тэриллибитэ 30 сылын туолла.

Бу үбүлүөйдээх сылбытын ураты буоллун диэн, Дьокуускайга киирэн түмүктээтибит. Аныгы бибилэтиэкэҕэ, «Үлэ кыбартаалыгар» сырыттыбыт, сонургуу көрдүбүт-иһиттибит. Салгыы Дьокуускай килбэйэр киинигэр турар Саха драматическай тыйаатырын түмэлин, тыйаатыры сөҕө, хайгыы көрдүбүт, артыыстары тутан олорон кэпсэтэн наһаа үөрдүбүт, киэн тутуннубут. Онон бэртээхэй тэрээһин буолла диэн бары да сүргэбит көтөҕүлүннэ.

Түмсүүбүт отут сылыгар кыайан кэлбэтэх кэллиэксийэньиэрдэрбитин анаан-минээн көрүстүбүт, атах тэпсэн олорон сэһэргэстибит. Сана Дьыллааҕы Дьокуускай устун күүлэйдээтибит, дьоммутугар-сэргэбитигэр умнуллубат күннэри бэлэх ууннубут.

Вера Портнягина,

Бороҕон, Уус Алдан.

Хаартыскалар «Умсулҕан» түмсүүттэн ылылыннылар.