СӨ Борокуратууратын пресс-сулууспата.
Кэбээйи оройуонун борокуратуурата Сангаар бөһүөлэгин олохтооҕор холуобунай дьыаланы тэрийдэ. Ийэ буолуохсут кыра уолун сордуура-муҥнуура биллибит.
Бу 39 саастаах дьахтар куруук уолун кырбыыр, курунан таһыйар эбит. Мэдиссиинэ чинчийиитэ көрдөрбүтүнэн, оҕо этигэр-сиинигэр элбэх көҕөрүү, хаан туруута баара көстүбүт.
Сынньарын, кырбыырын таһынан, өй-санаа өттүнэн баттыыр, күүһүнэн өттөйөр, араастаан үөҕэр-мөҕөр, эрэйдиир эбит. Холобур, унитаһы ыраастыыр суокканан сирэйин сууралыыра биллибит. «Тарбаххын быһыам!» диэн куттуур, быһаҕынан тириир идэлээх эбит.
Оҕо аллергиянан ыалдьар буолан, анал диетанан аһыахтаах, ийэтэ буолуохсут онно эрэ кыһаммакка, анаан астаабат, аһаппат да эбит. Уол тугу булбутунан, ас тобоҕун аһаан сылдьыбыт, ороно суох буолан, сиргэ суорҕаҥҥа утуйаахтыыр эбит.
Бу дьахтар алта оҕолоох, арыгылыыр буолан, 2016 сыллаахха төрөппүт быраабыттан быһыллыбыт, учуокка турар. Бу төрдүс оҕотун атын ыалга ииттэрэ биэрбиттэр эрээри, 2023 сыллаахха ийэтигэр төнүннэрбиттэр.
Холуобунай дьыала РФ Холуобунай кодексын 156 ыстатыйатынан («Неисполнение обязанностей по воспитанию несовершеннолетнего») тэриллэн, суукка ыытылынна.
Оҕону ийэтиттэн ылан, социальнай тэрилтэҕэ олортулар. Бу туһунан СӨ Борокуратуурата иһитиннэрэр.
Арассыыйа аармыйатын Киин Академическай тыйаатыра Саха сиригэр кэлиэн иннинэ тыйаатыр дириэктэрэ Милена Авимскаялыын маннык кэпсэппиппит.…
Бүгүн, от ыйын 6 күнүгэр, Таатта улууһун хайысхатынан араас массыына, оптуобус халҕаһалыы субуллар. Манчаары төрүт…
Мэлдьи ахтар-саныыр доҕорбунаан Ньукулайдыын 80-с сыллартан “Кыым” хаһыакка үлэлиэхпититтэн билсибиппит. Хомсомуолга иитиллибит, хомуньуус баартыйа кыһатыгар…
Ураты быһыылаах түргэн мантыы ырысыабынан социальнай ситимнэринэн фудблогер уонна спортсмен Владимир Никитин үллэһиннэ. Өрөбүл күҥҥэ…
Норуот ырыаһыта Сергей Зверев төрөөбүтэ 125 сылынан Сунтаар улууһун Түбэй Дьаарханыгар ыытыллыбыт Ыһыах кыттыылаахтара Ыгыаттаҕа…
Сахабыт сиригэр самаан сайыммытын уруйдуур-айхаллыыр, араас ыһыахтар дьэ бүтэн эрэллэр. Мин эмиэ сааспын баттаһа, биир…