Хаартыска: СИА
Былырыын тохсунньу 10 күнүгэр Бэрдьигэстээххэ Березовая уулуссаҕа кыбаартыыра иһигэр унитаз иһиттэн канализация уута тоҕо баран, дьиэни биир гына халыйбыт.
Ол күн канализационнай турба тоҥмутунан кыбартыыра иһигэр муостаҕа киһи убаҕаһынан туолбутунан тустаах хамыыһыйа чинчийиини ыыппыт уонна боротокуол суруйбут.
Кыбартыыра иһигэр киһи олорбот гына канализация сыта тарҕаммыт. Тохсунньу 16 күнүгэр кыбартыыра ламината, миэбэлэ, тиэхиньикэтэ, истиэнэтэ барыта буортуламмытын быһаарбыттар. Хоромньу суумата 329 525 солк. буолбут. Маны таһынан санитарнай-эпидемиологическай уонна лабораторнай чинчийии боротокуолунан аммиак нуорманы куоһарарын туһунан уураах тахсыбыт.
Дьахтар кыбартыыраҕа олорор кыаҕа суох буолан, атын дьиэни арендалыырга күһэллибит. Олунньу 5 күнүгэр дьахтар хоромньуну сууматын толору толуйарга сайабалыанньа ыыппыт. Ол эрээри аккаас сурук туппут.
«Бэрдьигэстээх нэһилиэгэ» МТ дьаһалтатын олох-дьаһах хомунаалынай сулууспатын дириэктэрэ турбаҕа бөх-сыыс мунньуллан бүөлэммитинэн маннык быһылаан тахсыбытын быһаарбыт. Ону тэҥэ дьахтар кыбартыыраҕа өр кэм устата олорботоҕунан сайабалыанньаҕа аккаастыырга күһэйбит. Суут силиэстийэлиирин кэмигэр, ититэр кабель тоҥмутунан киһи убаҕаһын уута кыбартыыраҕа халыйыыга тиэрдибитин быһаарбыт.
Суут быһаарыытынан «Бэрдьигэстээх нэһилиэгэ» МТ дьаһалтатыттан 329 525 солк., 15 000 солк. хоромньу сууматын быһаарыыга докумуон оҥоһуллубутугар, 120 000 солк. дьиэни арендалаабытыгар, 5 000 солк. моральнай сууманы уонна 164 762 солк. ыстараптыырга уураахтаабыт. Төлөбүр уопсай суумата 634 тыһ. солк. буолбут. Ону таһынан 17 685 солк. харчыны судаарыстыбаннай пошлинаҕа төлүөҕэ. Бу туһунан СӨ Үрдүкү суутун пресс-сулууспата суруйар.
Олунньу ый бүтүүтэ Уус Маайаҕа Югоренок бөһүөлэк таһыгар «тоҥмот үрэх» көстүбүт. Маннык көстүү Магадан уобалаһыгар…
Дьокуускайга Өрөспүүбүлүкэтээҕи мэдиссиинэ реабилитациялааһынын уонна успуорт мэдиссиинэтин киинигэр дьон маассабайдык оһоҕос инфекциятын ыарыынан сүһүрбүттэринэн холуобунай…
Дьокуускай куорат таһынааҕы нэһилиэнньэлээх пууннар маастар-былааннара Өлүөнэ күргэтин тутууну учуоттаан оҥоһуллар. Бу туһунан СӨ ситэриилээх…
Таатта оройуонун Ытык Күөл сэлиэнньэтигэр Д.А. Петров аатынан 2 №-дээх орто оскуолатын саҥа модульнай успуорт…
Арассыыйа Дьоруойа Андрей Григорьевы СӨ Тыатын хаһаайыстыбатын министиэристибэтигэр чиэстээтилэр. Тута урут тыа хаһаайыстыбатын кэпэрэтиибигэр үлэлээбит.…
«Кулун тутар үгүс улуустарга былырыыҥҥыга тэҥнээтэххэ, балай да сылаас буолара сабаҕаланар» диэн үгэс быһыытынан кулун…