Хаартыска: ХИФУ пресс-сулууспата
Хотугулуу-Илиҥҥи федеральнай университекка эдэр төрөппүттэргэ, оҕолорго аналлаах хос аһылынна. Бу бырайыак «Росмолодежь» грантовай куонкуруһугар кыайбыта, Наука, үөрэҕирии министиэристибэтин өйөбүлүн ылбыта.
Университет салгыы да эдэр дьиэ кэргэттэри өйүүр сыаллаах. 18-с куорпуска Ийэ хоһун сөргүтүөхтэрэ, онно төрөппүттэрэ үөрэнэр кэмнэригэр оҕолорун аҕалан, көрдөрүөхтэрин сөп. Үөрэнэр куорпустарга эмиэ маннык хостору арыйыахтарын, Аҕалар түмсүүлэрин тэрийиэхтэрин баҕараллар.
Бу саҥа хос 9/1 №-дээх уопсайга аһылынна, манна устудьуон төрөппүттэр эрэ буолбакка, эдэр исписэлиистэр оҕолорун илдьэ кэлиэхтэрин сөп. Манна оҕолорун оонньуур хосторго хааллартаан баран, бэйэлэрин дьыалаларын ситиһэ барыахтарын сөп. Бу кэмҥэ иитээччилэр оҕолору көрөллөр. Онон эдэр төрөппүттэргэ бу улахан көмөлөөх. Оҕолор аралдьыйалларыгар, саҥа доҕоттору булалларыгар да туһалаах.
ХИФУ-га 700-тэн тахса ыал буолбут устудьуон үөрэнэр, кинилэр 600-тэн тахса оҕолоохтор. 18-с куорпус дьиэ кэргэн уопсайа диэн ааттанар, манна 47 эдэр ыал олорор.
Ыал устудьуоннарга ый аайы материальнай көмө, эдэр ийэлэр хат буоллахтарына уонна төрүүллэригэр биирдэ бэриллэр төлөбүрдэр, уопсайга туспа хос, психологическай, юридическай консультация, о.д.а. көмө баар.
Саҥа тупсаҕай хоһу арыйыы «Моя семья – мой СВФУ» бэстибээл чэрчитинэн ыытылынна.
Сиһилии: https://mintrud.sakha.gov.ru/news/14653
Бүгүн, ахсынньы 21 күнүгэр, өрөбүллээҕи Оһуокайбытыгар Эҥсиэли түмсүүтүттэн инники кэскиллэрбит, ыччаттар киирэн алгыстаах Оһуокай түһүлгэтин…
Оо, улуу көстүү! Очуос таас үрдүттэн харах ыларынан улуу өрүс иэнэ нэлэһийэр, халлааны кытта силбэһэн,…
2023 сыллаахха Былатыан Ойуунускай аатынан Саха тыйаатырыгар үлэлии кэлбит кэнники көлүөнэ “щепкинэцтэри” көрөөччүлэр хайыы үйэ…
Киһи аймах туой иһити неолит кэмиттэн, саҥа таас үйэттэн оҥостор, туттар буолбут. Саха омук даҕаны…
2021 сыллаахха түөрт оҕолоох Даниловтар дьиэ кэргэн Уһук Илиҥҥи ипотека бырагырааматыгар киирсэн уһаайба атыыласпыттара, «Килбиэнстрой»…
Хаһыаппыт бүгүҥҥү ыалдьыта, дьоруойдуу быһыы, бойобуой доҕордоһуу диэн тугун бэркэ билэр, биһиги биир идэлээхпит, кэллиэгэбит,…