«Уолаҥҥа» авиатордар десаннара ыалдьыттаата

Уус Алдан улууһугар авиатордар ыалдьыттаатылар. Бу оҕолор идэлэрин талалларыгар анаан ыытыллар үгэс буолбут профориентационнай үлэ.

Авиатордар десаннарын хамаандатын «Уолан» гимназияны 1997 сыллаахха бүтэрбит выпусник Алексей Павлович Дегтярев салайан илдьэ сырытта. Көрсүһүүгэ 5-7 кылаас уолаттара, гимназистар бэйэни салайаныы сүбэтин уолаттара кыттыыны ыллылар, ыалдьыттарга ыйытыыларын биэрдилэр.  Ыраахтан кэлбит ыалдьыттар хас биирдиилэрэ уолаттарга сөптөөх анал тиэмэлэринэн олус интэриэһинэй иһитиннэриилэри оҥордулар.

Бу оскуолаҕа үөрэнэ сылдьар  оҕолорго авиация эйгэтигэр угуйар соруктаах кэпсэтиини, көрсүһүүнү үөрэнээччилэр, учууталлар олус кэтэһэллэр. Маннык көрсүһүү туһалааҕын бэлиэтииллэр.

Рея Охлопкова,

«Уолан» гимназия дириэктэрин солбуйааччы.