Анал байыаннай эпэрээссийэ кыттыылаахтарыгар, кинилэр дьиэ кэргэттэригэр көмөлөһүүнү Сүрүннүүр сэбиэт чилиэнэ, кууһунан атыылыыр бааза бас билээччитэ Ольга Николаева уолаттарбытыгар онно олус ыараханын өйдүүбүт, өйүүбүт диир.
— Ийэ дойдубутун биһиги көмүскүүр ытык эбээһинэстээхпит, онуоха саарбахтааһын суох. Дойдубут дьоно бары бииргэ түмсэн, күүспүтүн холбоон, хайаан да кыайыахпытыгар олох саарбахтаабаппын.
СӨ Табаары оҥорон таһаарааччыларын сойуустарн чилиэнэбин. Ол чэрчитинэн атыы-эргиэн эйгэтин үлэһиттэрэ түмсэммит, ким тугу кыанарынан, бородууктанан, харчынан, наадалаах таҥаһынан-сабынан, малынан, туттар сэбинэн саллааттарга наадалааҕы барытын хааччыйарга кыһаллабыт. Уолаттарбытыгар онно олус ыараханын өйдүүбүт. Ону чэпчэтэргэ кыһаллабыт. Итиэннэ кинилэр онно сылдьаннар дьиэ кэргэттэрин туһугар долгуйбаттарын наадатыгар манна оҕолоругар, кэргэннэригэр, чугас дьонноругар кинилэри тутахсыппат, суохтаппат курдук үлэ ыытабыт, көмөлөһөбүт.
«Биир ньыгыл Арассыыйа» паартыйа Политсэбиэтин иһинэн биһиги Донбасска, Кыһыл Кириэскэ көмө хомуйан, үбүнэн эмиэ көмөлөһө олоробут. Психологтар өттүлэриттэн эмиэ көмө-өйөбүл баар. Саллааттар оҕолоро Саҥа дьылы көрсөллөрүгэр улахан болҕомтону ууран, тэрээһин өттүгэр сүүрэ-көтө сылдьабыт. Ити курдук кыайыыны чугаһатарга биһигиттэн тутулуктааҕы оҥорорго кыһаллабыт.
Арҕаа дойдулар куомуннаһаннар Арассыыйаҕа сааҥсыйалары киллэрдибит дииллэр эрээри, онтулара бэйэлэрин экэниэмикэтигэр охсо турарын көрөбүт, хата, бэйэлэрэ кыһалҕаланан эрэллэр курдук. Оттон Арассыыйа ол сааҥсыйаларыттан тутулуктаммат, кини атаҕар бигэтик турар ис кыахтардаах, ону биһиги ааспыт устуоруйабытыттан даҕаны үчүгэйдик билэбит.
Эйэлээх олоххо олороммут дойдуга бэриниилээх буолууга улахан болҕомто уурбат курдук этибит. Билигин ыччаппытын төрөөбүт Ийэ дойдуга итии таптал тыыныгар иитиигэ, устуоруйабытыгар, төрүт силиспитигэр, култуурабытыгар бары өттүнэн өрө тардынарбытыгар күүстээх үлэлэр күүтэллэр. Биһиги дойдубут анал байыаннай эпэрээссийэҕэ уонна ити бары хайысхаларга кыайыыны-хотууну ситиһиэҕэр бигэ эрэллээхпин!
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…