Хаартыска: Б.Уларов
Сэтинньи 2 күнүгэр улуустааҕы Аҕа сүбэтин көҕүлээһининэн, Байанай ыйын чэрчитинэн, Сунтаар 1-кы №-дээх оскуолатын 8-11-с кылаас уолаттарыгар Бэрэ күөлүгэр булт-балык үгэстэригэр анаммыт бэрт сэргэх тэрээһин буолла.
Ол курдук, өбүгэлэрбит булка-алка туттар төрүт дьарыктарын үйэтитэр сыалтан, уолаттарга муус аннынан илим үтүүтүн көрдөрдүлэр, үөрэттилэр, куобахха туһах иитэри, киискэ-бөрөҕө хайдах хапкаан туруорары көрдөрдүлэр. Маны тэҥэ, уол оҕо айылҕаҕа сылдьан сиэри-туому тутуһарын, тулалыыр эйгэни харыстыырга үөрэтии, кэпсэтии буолла.
— «Сахабулт» салаатын дириэктэрэ, Аҕа сүбэтин чилиэнэ Максим Афанасьев оҕолорго ханнык кыылга, көтөргө бултуур көҥүл бэриллибитинэн хайдах бултууру, туһах, хапкаан иитиллэрин, хайдах хапкаан ханнык булка барсарын олус интэриэһинэйдик, умсугутуулаахтык кэпсээтэ. Оҕолор олус сэҥээрэн иһиттилэр. Уолаттар муус аннынан хайдах илимниири көрдүлэр, үөрэннилэр, элбэҕи биллилэр. Сынньалаҥҥа сахалыы булт тэриллэрин ким төһө элбэҕи билэрин тургуттулар. Аҕа сүбэтин аатыттан үс бастыҥнарга бириис туттардыбыт. Бу олус интэриэһинэй, сэргэх тэрээһин түмүгүнэн, уолаттарга барыларыгар сэртипикээт туттарылынна, — диэн Сунтаар улууһун Аҕалар түмсүүлэрин бэрэссэдээтэлэ Борис Уларов кэпсээтэ.
Бу маннык тэрээһин олус наадалаах, тоҕо диэтэр, оҕо тутан-хабан көрбөтөҕүнэ, кэмигэр уһуйуллубатаҕына, саха төрүт үгэстэрин билбэт, сатаабат буола улаатар. Уол оҕону иитиигэ аҕалар оруоллара улахан.
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…