Хаартыска: Михаил Боппосов тиксэриитэ.
Бу күннэргэ социальнай ситимнэргэ Таатта Уолбатын олохтооҕо Михаил Боппосов Манчаары оонньууларыгар анаммыт саһааны оҥорбута тарҕанна.
Норуот убаастабылын иҥэриммит Михаил Боппосовка эрийэн, ураты дьарыгын туһунан ыйыталастым.
— Уруккуттан кыдьыгым ээ. Ынах ноһуомуттан оҥорор үлэбин сүөһүлэрбин эһэн баран тохтоппутум. Хайа, уонна 12 зодиагы барыларын оҥорбутум. Онон бүттэҕим дии. Быйыл ити уолум көҕүлээн, бэлиэ сыл диэн, Манчаары оонньууларыгар анаан төрөөбүт улууспар буолар суолталаах тэрээһиҥҥэ саһааммын уратытык оҥордум. Бэйи, итинтиҥ күннээххэ эрэ “арыллан” көстөр. Күн төһөнөн үчүгэйдик тыгар да, чуолкайдык көстөр. Уонна бастакы хаар түстэҕинэ көрүөҥ этэ — буукубалар бары дьэрилиһэн тахсаллар! Оттон күнэ суохха суруга биллибэт.
Бу “Манчаары 22” диэн саһааҥҥа алтыс “суруйуум”. Бастаан “Үтүө күнүнэн!” диэн суруйбутум. Онтон “Я💓Уолбут”, онтон английскайдыы “LOVE”, ол быыһыгар рунанан эмиэ суруйбут эбиппин. Руна сурук суолтатын умнубуппут. Ап Оллоон уола Кууһумалыын суруйсар этибит. Ноһуом оҥоһуктарга киниттэн ыйыталаһар этим. Аны Уолбаҕа Байаҕантай ыһыаҕа буолбутугар, “Байаҕантай” диэн эмиэ суруйбутум. Оҕолорум, хата, үлэлэрбин хаартыскаҕа үйэтитэн иһэллэр.
Аныгы олох буолан, куйаар ситимин көмөтүнэн тарҕана охсорунан, “Уолба Боппосова” диэнинэн биллэн хааллым. Туох да анал үөрэҕим суох. Уруһуй, черчение, үлэ уруогун учууталыгар Климент Неустроевка махталым сүҥкэн. Кини үөрэппит-такайбыт үөрэҕэ иҥэн, сэбиэскэй оскуола үөрэҕэ буолан, сааһырыым саҕана сөбүлүүр дьарыкпынан буолан хаалла”, — диэн санаатын үллэһиннэ Михаил Трофимович. Сааскы 1 Маайынан – Үлэ күнүнэн тыа сирин олохтооҕо бар дьонугар бэртээхэй оҥоһугу оҥорон, сүргэлэрин көтөхтө.
Бүгүн, бэс ыйын 1 күнүгэр, П.А.Ойуунускай аатынан Саха Академическай тыйаатырыгар бойобуой дьайыы бэтэрээннэрин күнүн бэлиэтээһинэ…
Ааспыт нэдиэлэ устата түөкүттэр буруйу оҥорор дьайыыларыттан өрөспүүбүлүкэ 15 олохтооҕо эмсэҕэлээтэ, кинилэртэн албыннатан былдьаппыт харчыларын…
Өрөспүүбүлүкэ киин куоратын уулуссаларыгар «дрифтээбит» 27 саастаах Дьокуускай олохтооҕо холуобунай дьыалатыгар бириигэбэрэ таҕыста. Кини РФ…
2023 сыллаахха сэтинньи 23 күнүгэр Ил Дархан Айсен Николаев өрөспүүбүлүкэ олоҥхоһуттарыгар, оһуохайдьыттарыгар уонна тимир уустарыгар…
Оройуоннааҕы борокуратууралар ирдэбиллэринэн, Саха сиригэр элбэх кыбартыыралаах дьиэлэргэ эрэгийиэн операторыгар өрөмүөн үлэтин ыытарга эбээһинэстиир туһунан…
Бүгүн Байыаннай дьайыы бэтэрээннэрин күнэ. Саха сирин улуустарыгар бу бэлиэ күнүнэн араас сылларга байыаннай дьайыыларга,…