Уолба олохтооҕо аһылла илик өрүс суолунан дьону таһан, сууттанар буолла

Таатта улууһугар Өлүөнэ өрүскэ суол аһылла илигинэ пассажирдары таспыт суоппар холуобунай дьыалата суукка барда. Кини икки сылга тиийэ көҥүлэ быһыллыан сөп диэн СӨ Борокуратуурата иһитиннэрэр.

Бу дьыаланан Уолба нэһилиэгин олохтооҕо буруйданар. Киниэхэ РФ Холуобунай кодексын 238 ыст. 1 ч. дьыала тэриллибит.

Силиэстийэ дааннайдарынан, сэтинньи 12 күнүгэр суоппар өрүс суола аһылла илигин билэн туран, Дьокуускай — Аллараа Бэстээх — Ытык-Күөл хайысханан харчыга үс пассажиры таспыт. Онон кини дьон олоҕор уонна доруобуйатыгар кутталы суоһаабыт.