Хаартыска: PxHere саайтан.
2025 сыл тохсунньу 19 күнүгэр күнүс Дьокуускай к. Каландаришвили уул. кыбартыыратыгар дьиэ иһинээҕи иирсээн буолбут, ол түмүгэр уоллара балыыһаҕа киирбит.
Эр киһи итирик туруктаах сылдьан, уолун иитиитинэн дьарыктанарга санаммыт. Уол төрөппүттэрэ арахсыбыттарын кэнниттэн, аҕатын уонна кини бииргэ олорор дьахтарын кытта олороро. Иирсээн төрүөтүнэн уол уруоктары көтүтэрэ буолбут. Эр киһи уолун куукунаттан көрүдүөргэ ыҥыран таһаарбыт, ол кэнниттэн кыыһырсыылара охсуһууга кубулуйбут. Охсуһа сылдьан аҕата уолун өлөрөргө санаммыт. Эр киһи оҕотун төбөтүн иккитэ, холун диэки түөртэ, көхсүн иккитэ сутуругунан охсубут, онтон быһаҕы ылан хаҥас атаҕын биирдэ анньыбыт. Уол күүскэ утарылаһан, кыбартыыраттан мүччү туттаран куоппут, онон эр киһи өлөрөргө санаммыта туолбатах.
Аҕа буолуохсут буруйун сорҕотун билиммит, өссө уолбун куттуохпун баҕарбытым дии сатаабыт.
Дьокуускай куораттааҕы суут 40 саастаах эр киһини РФ ХК 105 ыст. 1 ч. – 30 ыст. 3 ч. буруйдааҕынан аахта уонна кытаанах эрэһиимнээх көннөрүнэр холуонньаҕа 6 сыл 6 ый болдьохтоох көҥүлүн быһарга уурда. Буруйдааҕы суут саалатыттан харабыл ылан барда.
Бириигэбэри сууттанааччы уонна кини албакаата ааһыныыга биэрбиттэрэ. СӨ Үрдүкү Суутун холуобунай дьыалаларга кэллиэгийэтэ көрөн баран, суут бириигэбэрин оннунан хаалларда.
Бириигэбэр сокуоннай күүһүгэрн киирдэ диэн иһитиннэрэр СӨ Үрдүкү Суутун пресс-сулууспата.
Ил Дархан Айсен Николаев өрөспүүбүлүкэ терроризмы утары охсуһар хамыыһыйатын уонна суһал ыстаап холбоһуктаах мунньаҕын ыытта.…
Виктория Семенова унтуу тикпитэ сүүрбэччэ сыл буолбут. Бэйэтэ этэринэн, бу сыллар тухары 50 тыһыынчаттан тахса унтууну…
Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…