Уолун кырбыыр ийэ бириигэбэрдэннэ

Хаҥалас улууһугар элбэх оҕолоох ийэ төрөппүт эбээһинэһи толорботоҕун иһин, суутунан 180 чаас булгуччулаах үлэҕэ бириигэбэрдэннэ диэн өрөспүүбүлүкэ борокуратууратын пресс-сулууспата иһитиннэрэр.

Бу дьахтар өр кэм устата кыра оҕолоро баалларына арыгылыыр, кинилэри үчүгэйдик көрбөт-истибэт, төрөппүт эбээһинэһин толорбот эбит. Оҕолор саастара — 2, 3, 10.

Маны таһынан, ийэ буолуохсут 10 саастаах уолун сутуругунан кырбаабыта билиннэ. Маннык «төрөппүттэр» эмиэ бааллар…

Онон дьахтар төрөппүт бырааба быһылынна, 180 чаас булгуччулаах үлэҕэ бириигэбэрдэннэ.