Хаартыска: sakha.gov.ru
Саха сиригэр быйыл Саха сирин Бочуот кинигэтигэр киллэриллибит үлэ династияларын чиэстээһин тэрээһинэ буолла. Үөрүүлээх сиэри-туому үлэ сыһыаннаһыыларын сүрүннүүр өрөспүүбүлүкэтээҕи үс өрүттээх хамыыһыйа мунньаҕын чэрчитинэн ыыттылар.
Үлэ династияларын сэртипикээттэрин үтүөлээх дьиэ кэргэттэрин испииһэгэр киллэрэргэ СӨ Бырабыыталыстыбатын Бэрэссэдээтэлин солбуйааччы Георгий Степанов туттарда.
Бочуот кинигэтигэр 10 үлэ династията киллэрилиннэ — Васильевтар, Пермяковтар, Рожиннар, Кайдаловтар, Гуляевтар, Габышевтар, Тимофеевтар, Трубиннар, Кычкиннар, Соиннар үлэ династиялара.
Георгий Степанов дьиэ кэргэттэри бочуоттаах наҕараадаларынан эҕэрдэлээтэ уонна кинилэр үлэлэрин олус суолталааҕын бэлиэтээтэ.
«Эһигини бырабыыталыстыба уонна үлэ сыһыаннаһыыларын сүрүннүүр өрөспүүбүлүкэтээҕи үс өрүттээх хамыыһыйа аатыттан итиитик-истиҥник эҕэрдэлиибин. Бу эһиги династияларгыт үгүс көлүөнэ үлэлэринэн-хамнастарынан ситиһилиннэ. Эһиги идэҕитигэр бэриниилээх буолуугутунан Саха сирин уонна дойду сайдыытыгар олус улахан кылааты киллэрэҕит. Үлэ киһини киэргэтэр, сайыннарар. Ити барыта чопчу биһиги дойдубут сайдыытын мэктиэлиир»,- диэн вице-премьер бэлиэтээтэ.
Санатан эттэххэ, Саха сирин бастыҥ үлэ династияларын Бочуот кинигэтигэр 10-тан тахса сыл устата үлэлээбит ыаллары киллэрэллэр.
Быйылгы дьылга бастакы "Айкуо" сэрийээли көрөн бүтэрдибит. Дьон-сэргэ саҥа сэрийээли олус сөбүлээбит, оҕолор оонньуулларын астыммыт.…
"ҮРГЭЛ" галереяҕа алтынньыга Сардаана Владимировна Яковлева уонна киһи кыыһа Анжелика Викторовна хартыыналарын дьон көрүүтүгэр туруордулар.…
Кэнники кэмҥэ элбэх киһи хаан баттааһына үрдүүрүнэн эрэйдэнэр буолла. Төбө ыалдьыбат буоллаҕына, үгүстэр наадыйбаттар, билбэттэр…
Үөһээ Бүлүү улууһугар булчут сүттэ диэн иһитиннэрии киирбитин кэннэ, сэтинньи 4 күнүгэр көрдүүр үлэ саҕаламмыта. …
Ил Дархан Айсен Николаев сэтинньи 8 күнүгэр тутууга суһал ыстаап мунньаҕын ыытта. Мунньахха "Көхтөөх, уһун…
Сунтаарбыт Айыы арчытын түөлбэтэ ураты кэрэ, остуоруйа дойдута. Бу түөлбэҕэ киирээти кытта Августина, Юрий Мишаковтар…