Хаартыска: А.Сорокин (ЯСИА)
Саха сиригэр уопсай үөрэхтээһин хаачыстыбатын үрдэтиигэ Былаан ылынылларын туһунан Ил Дархан СӨ Судаарыстыбаннай Мунньаҕар (Ил Түмэҥҥэ) туһаайыытыгар эттэ.
Өрөспүүбүлүкэ баһылыга оскуолаҕа үөрэх хаачыстыбатын үрдэтии соругун эрэгийиэн судаарыстыбаннай бэлиитикэтин дьоһун суолталаах хайысхатынан бэлиэтээтэ.
Кини инфраструктураны сайыннарыы үлэтин түмүктэригэр болҕомтотун уурда. Ил Дархан бэлиэтээн эппитинэн, чуолаан материальнай базаны тупсарыы тиһиктээх уларыйыыларга усулуобуйаны тэрийэргэ көмөлөстө.
«Инники кэскилбитигэр кыһаллан, биһиги үөрэх инфраструктуратын тупсарар үлэни салгыыбыт. Кэнники биэс сылга тутуу тэтиминэн хас да урукку уон сыллары аһардыбыт”, — диэн былааннаммыт уонна өр сыллаах үлэ туһунан быһааран эттэ.
Саҥа оскуолалар үөрэх тэрилтэлэрэ салгыы сайдалларыгар бигэ тирэҕинэн буолаллар. Олор ортолоругар Михаил Николаев аатынан 10 нүөмэрдээх оскуола уонна Адаптивнай үөрэх комплексын оскуолата бааллар.
“Маннык улахан үлэ ыытыллан, үөрэх хаачыстыбатыгар хас да сыл иһигэр бастакынан үчүгэй уларыйыылар тахсыбыттарыттан үөрэбин. Бүтүн Арассыыйатааҕы олимпиадалар финалларыгар биһиги оҕолорбут биэс биридимиэккэ 10 кыайыыны уонна бириистээх миэстэлэри аан бастаан ыллылар. Бу 2009 сылтан ыла үчүгэй көрдөрүү. Физикаҕа уонна информатикаҕа Биир кэлим судаарыстыбаннай эксээмэн түмүктэрэ тупсаллар. Быйыл алта оҕо профильнай математикаҕа сүүс баалы эмиэ аан бастаан ылла”, — диэтэ Ил Дархан.
Кини кэккэ үчүгэй түмүктэр баалларын да иһин, бары хайысхаҕа тиһиктээх үлэ наадатын ыйда. Кини бэйэтин Туһаайыытыгар ураты болҕомтону тыа сирин уонна аҕыйах оҕолоох оскуолалар балаһыанньаларыгар уурда уонна бу оскуолалар тыа сирэ туруктаах буоларыгар суолталарын санатта.
Өрөспүүбүлүкэ үөрэҕин тэрилтэлэрэ бары Куйаарга босхо холбонор кыахтаахтар. “Үөрэхтээһин” национальнай бырайыак чэрчитинэн биэс сыл иһигэр өрөспүүбүлүкэ оскуолалара 11 тыһыынчаттан тахса сыыппаралаах тэриллэннилэр. Бу барыта ыраахтан үөрэнии технологиятын сайыннарарга, чуолаан ыраах сытар улуустар, аҕыйах оҕолоох оскуолалар үөрэнээччилэрэ кыттыыларын элбэтэргэ көмөлөһөр.
Айсен Николаев үөрэхтээһин сайдыытын инники логикатын быһаарар биир кэлим докумуон туһунан этэригэр:
“Бу үлэни олохтоох бэйэни салайыныы уорганнара кыттыылаах ыытыахха наада. Ол түмүгэр биһиги үөрэх өҥөтүн хаачыстыбатын тупсарыахтаах баланска тахсыахтаахпыт”, — диэтэ. Ханнык баҕарар быһаарыылар үөрэх хаамыытын интэриэһин учуоттаан ылыллалларыгар эрэлин биллэрдэ. Структураҕа оптимизация уонна штаты бэрээдэктээһин үөрэх хаамыытыгар хоромньуну аҕалыа суохтаахтар. Төрөөбүт тылы үөрэтии чаастара булгуччу оннунан хаалыахтаахтар.
СӨ Ил Дарханын уонна бырабыыталыстыбатын пресс-сулууспата
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…