Уопсайга арыгылаан баран 18 саастаах уолу эчэппиттэр

СӨ борокуруора  Сергей Дябкин сорудаҕынан, Таатта оройуонун борокуратуурата Н.Е. Мординов-Амма Аччыгыйа аатынан Харбалаахтааҕы үөрэх комплексын уопсайыгар арыгылааһынынан бэрэбиэркэ ыытар. 

Барыллаан  быһаарыллыбытынан,  устудьуоннар (ол иһигэр сокуоннай саастарын ситэ илик)   үөрэх кыһатын уопсайыгар арыгы испиттэр. Итиэннэ икки уол  иирсэннэр, охсуһуу буолбут. Ол түмүгэр   18 саастаах уол эт-хаан эчэйиитин ылбыт.

Бэрэбиэркэ түмүгүнэн төрүөт баар буоллаҕына, туһааннаах миэрэлэр ылыллыахтара диэн СӨ Борокуратуурата иһитиннэрдэ.