Хаартыска СӨ үлэҕэ уонна социальнай сайдыыга министиэристибэтин пресс-кииниттэн
Дьокуускайга уопсастыбаннай кииҥҥэ, Саха сиригэр Ийэ күнүгэр аналлаах тэрээһиннэр чэрчилэринэн, «Духовно-нравственные основы материнства и актуальные вопросы общественно-государственного партнерства на современном этапе развития общества» тиэмэҕэ төгүрүк остуол буолла.
Тэрээһиҥҥэ өрөспүүбүлүкэ ийэлэрин уонна аҕаларын сүбэлэрэ, уопсастыбаннай түмсүүлэр, элбэх оҕолоох дьиэ кэргэттэр, эдэр ийэлэр уонна аҕалар кыттыыны ыллылар. Маны сэргэ, биир кэлим былаһааккаҕа министиэристибэлэр уонна биэдэмистибэлэр ийэлэри өйүүр боппуруостарга гражданнары кытары кэпсэтиини ыыттылар.
Министиэристибэлэр уонна биэдэмистибэлэр дьиэ кэргэн институтун бөҕөргөтүүгэ туһуламмыт үлэлэр, өйөбүллэр, бырагыраамалар, эрэгийиэҥҥэ ийэ уонна оҕо аймах өйөбүлүгэр туһуламмыт үлэлэр тустарынан, уо.д.а. сырдаттылар. Улахан болҕомто үөрэх, доруобуйа харыстабылын боппуруостарыгар, дьиэ кэргэттэргэ олорор дьиэ бырагыраамаларыгар урулунна.
Төгүрүк остуол кыттыылаахтара дьиэ кэргэн үгэс буолобут сыаннастарын харыстааһын боппуруостарын, үүнэр көлүөнэни иитиигэ ийэ уонна аҕа оруолларын үрдэтиини көхтөөхтүк дьүүллэстилэр. Тэрээһиҥҥэ СӨ үлэҕэ уонна социальнай сайдыыга миниистирэ Елена Волкова тыл эттэ. Кини ийэни, аҕаны уонна оҕо аймаҕы өйүүргэ олоххо киллэриллэр соруктар, дьаһаллар тустарынан сырдатта.
Төгүрүк остуол кыттыылаахтара маннык көрсүһүүлэри ыытыы туһалааҕын бэлиэтээтилэр. Түмүккэ тэрээһин кыттыылаахтара СӨ үлэҕэ уонна социальнай сайдыыга министиэристибэтигэр, СӨ Уопсастыбаннай палаататыгар туһалаах тэрээһини тэрийбиттэрин иһин махтаннылар. Элбэх оҕолоох ийэлэр министиэристибэлэр, биэдэмистибэлэр кыттыылаах «Открытый диалог власти и общества» киэбинэн ыытыллыбыт гражданнары кытта кэпсэтиини биһирээбиттэрин биллэрдилэр, дьиэ кэргэттэр араас эйгэҕэ интэриэһиргиир ыйытыыларыгар толору хоруйдары ылбыттарын бэлиэтээтилэр.
Сиһилии: https://mintrud.sakha.gov.ru/news/14385
СӨ үлэҕэ уонна социальнай сайдыыга министиэристибэтин пресс-сулууспата
Хаартыска тустаах министиэристибэ саайтыттан
Сунтаарга бу өрөбүл күннэргэ хапсаҕайы таптааччыларга улахан үөрүү. Сыллата ыытыллар Бордоҥтон төрүттээх хапсаҕайга спорт маастара…
Неонатолог быраастар кэмин иннинэ күн сирин көрбүт кырачааннар олохторун быыһыырга сүрүн оруолу ылаллар. Кинилэртэн биирдэстэрэ…
— Өскөтүн иккилээх оҕом сайдыытыгар хаалыылаах дии санаатахпына, ханна баран сүбэ-ама ылыахпын сөбүй? Саастыылаахтарын кытта тэҥнээн…
Халлаан сылыйан оҕолор кыралаан былаһааккаларга оонньуур, салгын сиир буоллулар. Хаар ууллуута уһун кыһын устата тоҥон…
Олунньу 1 күнэ – дьыл (кыһын) оройо. Күһүҥҥү Бокуруоптан 110 хонук, оттон сааскы Ньукуолуҥҥа диэри…
Бу күнү Күн салайар. Ол иһин бүгүн үөрүү-көтүү, сылаас сыһыан, бэйэни көрдөрүү уонна айар кут…