Сайаана Львова хаартыската
2025 сыл балаҕан ыйын 14 күнүгэр Саха сиригэр муниципальнай быыбардар буолан аастылар.
Быыбар учаастактарыгар 600-тэн тахса уопсастыбаннай кэтээччи кытынна. Өрөспүүбүлүкэ Уопсастыбаннай балаатата быыбар хаамыытыгар сүрүн оруолу ылла, куоластааһын аһаҕастык, дьэҥкэтик уонна сокуоннайдык барарын хааччыйда.
Бүгүн СӨ Уопсастыбаннай балаататыгар улуустааҕы уопсастыбаннай кэтээччилэри быһа сибээскэ холбооннор, ааспыт быыбарга кэтээн көрөөччүлэр үлэлэрин түмүгүн таһаардылар. Мунньаҕы СӨ Уопсастыбаннай балаататын бэрэссэдээтэлэ Станислав Иванов аста.
Кини уопсастыбаннай кэтээччилэр сарсыарда эрдэттэн, 5:00 чаастан саҕалаан киэһэ хойукка диэри, кэтиир, хонтуруоллуур үлэни толорбуттарын бэлиэтээтэ. Бэрэссэдээтэл кэтээччилэр өрөспүүбүлүкэ быыбардыыр хамыыһыйаларын бары учаастактарыгар үлэлээннэр, быыбардар сокуону тутуһан, аһаҕастык барарын үрдүк таһымҥа хааччыйдылар диэн тоһоҕолоон эттэ.
«Биһиги сорукпут – быыбардар аһаҕастык, чиэһинэйдик, сокуоннайдык баралларын уонна Конституцияҕа бигэргэтиллибит быыбардааччылар бары бырааптара тутуһулларын кэтээһин буолар. Биир да сиргэ быыбар сокуонун кэһии, үҥсүү киирбэтэ. Аны кыһыҥҥыттан кэлэр сыллааҕы быыбарга кэтээччилэри бэлэмнээн барыахпыт», — диэтэ Станислав Иванов.
Бастаан уопсастыбаннай кэтээччилэр кэлим бэлэмнэниини: атырдьах ыйын бүтүүтэ, балаҕан ыйын саҥата үөрэҕи ааспыттарын, бу кинилэр быыбар күнүгэр күдьүүстээхтик үлэлииллэригэр көмөлөспүтүн кэпсээтилэр.
Уопсастыбаннай балаатаҕа Дьааҥы, Бүлүү, Ленскэй, Мииринэй, Нам, Ньурба, Орто Халыма, Усуйаана уонна Эбээн Бытантай улуустара уопсастыбаннай кэтээн көрөөччүлэр үлэлэрин тута тэрийбиттэрин бэлиэтээтилэр. Быыбардыыр учаастактарга
Уопсастыбаннай кэтээччилэр мобильнай бөлөхтөрө түөрт улууска, ол иһигэр дьон-сэргэ болҕомтотун тардыбыт Хаҥалас улууһугар үлэлээбиттэрин кэпсээтилэр.
Мобильнай бөлөх кэтээччилэрэ куоластааһын хаамыытын хонтуруоллаабыттар уонна кэллиэгэлэригэр кэтээн көрөр үлэ сүнньүнэн сүбэлэри биэрбиттэр.
Хаҥаласка кэтээччилэрин биригээдэлэрин салайбыт Владислав Окороков кэмпириэнс-сибээһинэн тахсан быыбардарга кэһии тахсыбатаҕын, кэтээччилэр үлэлэрэ үрдүк тэрээһиннэхтик ааспытын эттэ.
«Быыбарга кэһиилэр бэлиэтэммэтэхтэрэ, ол быыбар чиэһинэйдик уонна аһаҕастык буолбутун туоһулуур», — диэн Владислав Окороков түмүктээтэ.
Онон, Саха сирин Уопсастыбаннай балаатата быыбардары кэтээн көрүүнү ситиһиилээхтик тэрийдэ, быыбардааччылар икки ардыларыгар итэҕэли үөскэтиигэ көмөлөстө уонна быыбар хаамыытын кытаанахтык хонтуруоллаата. Маннык тэрээһин өрөспүүбүлүкэ демократическай институтун бөҕөргөтөр уонна дьон-сэргэ бэлитиичэскэй олоххо көхтөөхтүк кыттарын көҕүлүүр.
Бүгүн, ахсынньы 21 күнүгэр, өрөбүллээҕи Оһуокайбытыгар Эҥсиэли түмсүүтүттэн инники кэскиллэрбит, ыччаттар киирэн алгыстаах Оһуокай түһүлгэтин…
Оо, улуу көстүү! Очуос таас үрдүттэн харах ыларынан улуу өрүс иэнэ нэлэһийэр, халлааны кытта силбэһэн,…
2023 сыллаахха Былатыан Ойуунускай аатынан Саха тыйаатырыгар үлэлии кэлбит кэнники көлүөнэ “щепкинэцтэри” көрөөччүлэр хайыы үйэ…
Киһи аймах туой иһити неолит кэмиттэн, саҥа таас үйэттэн оҥостор, туттар буолбут. Саха омук даҕаны…
2021 сыллаахха түөрт оҕолоох Даниловтар дьиэ кэргэн Уһук Илиҥҥи ипотека бырагырааматыгар киирсэн уһаайба атыыласпыттара, «Килбиэнстрой»…
Хаһыаппыт бүгүҥҥү ыалдьыта, дьоруойдуу быһыы, бойобуой доҕордоһуу диэн тугун бэркэ билэр, биһиги биир идэлээхпит, кэллиэгэбит,…