Хаартыска: Андрей Сорокин. СИА
Саха сирин Уопсастыбаннай балаататын бэрэссэдээтэлэ Станислав Иванов Дьокуускай куорат Дууматын дьокутааттарын бөлөҕүн куорат мэрин куонкуруска олоҕуран талыахха диэн этиилэригэр бэйэтин санаатын эттэ.
Докумуон бэҕэһээ, сэтинньи 7 күнүгэр, бэрэстэбиитэллээх уорган көрүүтүгэр киирдэ. Көҕүлүүр бырайыак быһыытынан Дьокуускай куорат мэрин дьокутааттар киирбит хандьыдааттар испииһэктэриттэн куонкуруһун таларга этэллэр. Кинилэр саныылларынан, маннык пуорманан таллахтарына, куорат дьаһалтын баһылыгын салайар таһымыгар ирдэбил улаатыаҕа.
«Якутия-Daily» хаһыат эрэдээксийэтэ бу туһунан СӨ Уопсастыбаннай балаататын салайааччыта туох санаалааҕын ыйыталаста. Станислав Иванов маннык хоруйдаата:
— Алтынньы ый устата Уопсастыбаннай балаатаҕа өрөспүүбүлүкэ араас муннуктарыттан дьон-сэргэ кыттыылаах федеральнай сокуон барылын дьүүллэһии буолла. Киирбит этиилэр бары түмүллүбүттэрэ. Саха сирин араас муннуктарыттан, ол иһигэр нэһилиэктэртэн балачча элбэх этии киирбитэ.
Куорат мэрин Дьокуускай куорат Дууматын дьокутааттара киирбит хандьыдааттар испииһэктэриттэн куонкуруһун таларга диэн бэҕэһээ тарҕаммыт этиилэрин туһунан иһитиннэриигэ мин маннык санаалаахпын: итинник вариант эмиэолоххо киириэн сөп. Тоҕо диэтэххэ, хас даҕаны хандьыдааттан салайар хаачыстыбатынан талан, мэр Дьокуускай куора Дууматын иннигэр отчуоттуурун, ону тэҥэ миэстэтигэр былаас сомоҕолоһуутун ситиһиэххэ сөп. Маннык пуорманан бардаҕына, бу биир сомоҕо – баһылык уонна бэйэлэрин быыбардааччыларын интэриэһинэн көмүскүүр дьокутааттар хамаандалара буолуо диэн сабаҕалыахха сөп. Кинилэр Дьокуускай куорат олохтоохторун интэриэһинэн салайтаран үлэлиэхтэрэ.
2019 сылтан Уһук Илин уокуругар «Жилье и городская среда» национальнай бырайыак үлэлиир. Бу кэм устата…
Саха сиригэр 27 440 төрөппүт оҕолорун иитэллэригэр үрдэтиллибит биэнсийэни ылаллар диэн Социальнай пуонда Саха сиринээҕи…
Бүгүн Дьокуускай куоракка анал байыаннай дьайыы кыттыылаахтарын уонна кинилэр дьиэ кэргэттэрин чилиэннэрин кытта былаас уорганнара,…
Бу күннэргэ Дьокуускайга уйулҕа үлэһиттэрин V пуорумнара буола турар. Үс сиэксийэнэн арахсан, өрөспүүбүлүкэ тутаах тэрилтэлэрин…
Психолог күнүн чэрчитинэн, Өрөспүүбүлүкэтээҕи психологическай кииҥҥэ «Практическая психология: актуальные вопросы» диэн V психологтар пуорумнара ыытылла…
Режиссер Михаил Лукачевскай Казань куоракка буолбут "Союз" эрэгийиэннээҕи киинэ бэстибээлигэр "Бастыҥ продюсер" аатын ылла. Бу…