Хаартыска Ил Түмэн пресс-сулууспатытттан
Сергей Сюльскай бэрэссэдээтэллээх Саха Өрөспүүбүлүкэтин Уопсастыбаннай балаататын тыа хаһаайыстыбатыгар, агропромышленнай комплекска уонна олохтоох салайыныыны сайыннарыыга хамыыһыйатын мунньаҕа буолан ааста.
Мунньахха Ил Түмэн тыа сиригэр уонна аграрнай бэлиитикэҕэ сис кэмитиэтин бэрэссэдээтэлин солбуйааччы Валерий Федоров кыттынна. Кини сис кэмитиэт 2023 с. үлэтин түмүгүн уонна 2024 с. былаанын кэпсээтэ диэн Ил түмэн пресс-сулууспата иһитиннэрэр.
Норуот дьокутаата өрөспүүбүлүкэҕэ сири нүөлсүтүү, кэтэх хаһаайыстыба уонна сайылык туһунан Саха сирин сокуонугар уларытыылары киллэрии үлэтэ барбытын кэпсээтэ.
Быйыл олунньуга сис кэмитиэт «Ынах сүөһүнү уонна сылгыны кыстатыы туһунан» Бырабыыталыстыба чааһын, Саха сирин агропромышленнай комплексыгар каадыры бэлэмнээһин уонна «Туймаада», «Туймаада» агрохолдинг» хампаанньалары судаарыстыба өттүттэн өйөөһүн боппуруостарыгар төгүрүк остуоллары былаанныыр. Кулун тутар ыйга тыа сиригэр уонна аграрнай бэлиитикэҕэ сис кэмитиэт Аарктикатааҕы судаарыстыбаннай агротехнологическай университетыгар «Тыа хаһаайыстыбатын өйүүр мэхэниисими тупсаран бэрии туһунан» көһө сылдьар мунньаҕы былаанныыр.
Хамыыһыйа мунньаҕар СӨ тыа хаһаайыстыбатын уонна ас-үөл бэлиитикэтигэр миниистири солбуйааччы Николай Афанасьев ынах сүөһү, сылгы кыстыгын уонна тыа хаһаайыстыбатын табаары оҥорооччуларын өйүүр саҥа мэхэниисимнэрин туһунан иһитиннэрдэ.
Арктикатааҕы судаарыстыбаннай агротехнологическай университет Өктөмнөөҕү филиалын дириэктэрэ, Сафронов аатынан Дьокуускайдааҕы тыа хаһаайыстыбатын научнай институтун кылаабынай научнай үлэһитэ, тыа хаһаайыстыбатын наукатын дуоктара, доцент Сахаяна Павлова Саха сиригэр эбии аһылыгы, сиэмэни бэлэмнээһин, оҕуруот аһын үүннэрии балаһыанньатын уонна бу хайысхалар салгыы хайдах сайдалларын туһунан кэпсээтэ.
Быйыл күһүн тохсус ыҥырыылаах Судаарыстыбаннай Дуума дьокутааттарын талыахтара. Бу сырыыга Дума быыбарыгар Донбасс уонна Новороссия…
СӨ Бырамыысыланнаска уонна геологияҕа миниистирэ Максим Терещенко бүгүн, олунньу 3 күнүгэр, соцситимнэргэ быһа эпиири ыытыаҕа.…
Олунньу 2 күнүгэр, сарсыарда 07:35 чааска, Быыһыыр сулууспаҕа Амма улууһун полициятыттан иһитиннэрии киирбит. Онно этиллэринэн,…
Чугастааҕы сууккаҕа, олунньу 3 күнүгэр, Сир магнитнай дьайыыта чуумпу туруктаах буолуоҕа, буурҕа түһэрэ күүтүллүбэт. Магнитнай…
Бүгүн, олунньу 3 күнүгэр, сорох улуустарынан быстах кэмҥэ өрөмүөн үлэтэ буоларынан сибээстээн, күн устата араас…
Гидрометеосулууспа уонна тулалыыр эйгэни кэтээн көрүү управлениетын саайтын дааннайдарынан, бүгүн, олунньу 3 күнүгэр, Саха сирин…