Хаартыска: ЯСИА
Сарсын, алтынньы 30 күнүгэр, сарсыарда 11:00 чааска Саха Өрөспүүбүлүкэтин Уопсастыбаннай балаататын «Былаас уонна уопсастыба аһаҕас кэпсэтиитэ» бырайыагын чэрчитинэн, Тырааныспар уонна суол хаһаайыстыбатын миниистирэ Владимир Сивцев балаата чилиэннэрин кытта көрсүһүүтэ буолуоҕа. Тэрээһин Дьокуускай к., Курашов уул., 24 аадырыһынан, 401 №-дээх хоско ыытыллыаҕа, диэн www.sakha.gov.ru иһитиннэрэр.
Көрсүһүү кэмигэр тырааныспар систиэмэтин сайыннарыыга уонна бигэ тырааныспар сырыытын хааччыйыыга сыһыаннаах хас даҕаны боппуруоһу ырытарга былааннанар. Ол иһигэр субсидияланар таһыы тиэмэлэрэ, ону тэҥэ бүддьүөт үбүн тыырыы уонна көдьүүстээхтик туһаныы боппуруостара дьүүллэһиллиэхтэрэ. Муус туруутун кэмигэр Өлүөнэ өрүһүнэн айан-сырыы боппуруоһа көрүллүөҕэ. Бу кэмҥэ тырааныспар сырыытын тэрийиигэ уонна пассажирдар куттала суох буолууларын хааччыйыыга ураты сыһыан эрэйиллэр. Балаата өрөспүүбүлүкэ олохтоохторун долгутар боппуруостары аһаҕастык дьүүллэһэргэ былаһаакканан буолар.
«Аһаҕас кэпсэтии» халыыба былаас бэрэстэбиитэллэрин уонна гражданскай уопсастыба икки ардыгар туһалаах алтыһыыны олохтуурга, бииргэ быһаарыылары ылынарга уонна социальнай суолталаах бырайыактары олоххо киллэрии көдьүүһүн үрдэтэргэ кыах биэрэр.
Норуот дьокутааттара алтынньы 27 күнүгэр Ил Түмэҥҥэ 33-с Федеральнай сокуон иитинэн бэйэбит өрөспүүбүлүкэбитигэр олохтоох бэйэни салайыныы сокуонун…
Саха сириттэн алта устудьуон Москваҕа алтынньы 30 күнүттэн сэтинньи 2 күнүгэр диэри ыытыллар инбэлииттэр уонна…
Ньурба оройуонун суута олохтоох киһини өлөрүүгэ буруйдааҕын билинэн, бириигэбэр таһаарда. Быһылаан бу сыл атырдьах ыйыгар…
Саха сиригэр -40С кыраадыска тиийэ тымныйыа. Гидрометеосулууспа иһитиннэрэринэн, алтынньы 30 күнүгэр түүн хотугулуу-илин намыһах сирдэринэн…
Ааспыт суукка устата Дьокуускайга эмсэҕэлээччитэ суох 7 суол быһылаана таҕыста. Бу туһунан киин куораттааҕы Госавтоинспекция…
Бэтэринээрийэ управлениетын дааннайынан, сыл саҕаланыаҕыттан өрөспүүбүлүкэҕэ 3164 хаһаайына суох кыыл тутулунна. Өссө 137-тэ — приюттарга…