Хаартыска: Доруобуйа харыстабылын министиэристибэтэ
Дьокуускайга «Идэ – олох» диэн эдэр миэдиктэр өрөспүүбүлүкэтээҕи куонкурустара буолла. Исписэлиистэр мэдиссиинэ сайдыытыгар дьоһуннаах бырайыактары билиһиннэрдилэр.
Кыайыылааҕынан Өрөспүүбүлүкэтээҕи уопсастыбаннай доруобуйа уонна мэдиссиинэ профилактикатын киинин методиһа Дария Березкина буолла. Киниэхэ дойду бастыҥ үөрэх тэрилтэлэригэр стажировка ааһарыгар сэртипикээт туттардылар.
«Куонкурус финалыгар барыта 10 финалист этэ. Кинилэр ортолоругар быраастар, сиэстэрэлэр уонна ЛФК инструктора бааллара. Эдэр исписэлиистэр олус интэриэһинэй бырайыактары билиһиннэрдилэр. Холобур, 1-кы №-дээх балыыһа невролог-бырааһа мобильнай сыһыарыыны оҥорбута, онно инсуул кэнниттэн эмтэниигэ сүбэ бэриллэр. Ону тэҥэ үчүгэй бырайыагы ыарыыны утары көмөнү тэрийиигэ ЯРОД нейрохирург бырааһа оҥорбут. Кыайыылааҕынан «Доруобуйа эйгэтэ» аныгылыы бырайыактаах Дария Березкина буолла. SMART бибилэтиэкэтин кытта быраас оҕолорго сырдатар үлэнэн дьарыктанар», — диэн куонкурус тэрийээччилэриттэн биирдэстэрэ, Нам улууһун киин балыыһатын кылаабынай бырааһа Ариан Сергеев кэпсээтэ.
Куонкурус номинацияларынан мэдиссиинэ көмөтүн бастыҥнара ааттаннылар:
«Бастыҥ быраас-терапевт» — Айыына Флегонтова
«Бастыҥ быраас-невролог» Ольга Буслаева
«Бастыҥ быраас-педиатр» — Мария Васильева «Бастыҥ быраас-методист» — Дарима Березкина «Бастыҥ быраас-фтизиатр» — Елена Ефремова
«Бастыҥ мэдиссиинэ профилактикатын бырааһа» — Ирина Маркова
«Бастыҥ сиэстэрэ» — Софья Федорова
«Бастыҥ ЛФК инструктора» — Дьулустан Владимиров
«Бастыҥ быраас-нейрохирург» — Алена Оконешникова
«Бастыҥ быраас-неонатолог» — Татьяна Павлова
Эдэр исписэлиистэр куонкуруһун 2016 сылтан Доруобуйа харыстабылын министиэристибэтэ уонна Идэлээх сойуустарын рескомун кытта Саха сиринээҕи мэдиссиинэ балаатата ыытар.
Саха Өрөспүүбүлүкэтин үтүөлээх, норуодунай артыыстара, этно-мусукааннар, культурологтар уонна саха норуотун муусукатын чинчийээччилэр Клавдия уонна Герман…
Хаһаайкаҕа туһалаах маннык судургу сүбэлэри биэрэллэр. Кофе чааскы иһин хараардар. Онуоха тууһу уонна суоданы иһит…
“Төрөөбүт тыл уонна литэрэтиирэ бастыҥ учуутала-2025” күрэс быйылгы өрөспүүбүлүкэтээҕи түһүмэҕин муҥутуур кыайыылааҕынан “Айыы Кыһата” гимназия…
Биирдэ “тар туһунан лиэксийэ ааҕаллар, амсаталлар үһү” диэни истэммин, онно бардым. “Бу төрүт ас тоҕо…
Бэйэҕэ болҕомтолоох буоллахха киһи ханнык уоргана эмсэҕэлээбитин, мөлтөөбүтүн билиэххэ сөп. Холобур: -- баттах тоһутталанар --…
Мукучу нэһилиэгэр Айыыһыт ыйын баттаһа муус устар 19 күнүгэр байыаннай дьайыы кыттыылаахтарыгар уонна кинилэр дьиэ…