Хаартыска: Доруобуйа харыстабылын министиэристибэтэ
Ил Дархан Айсен Николаев “Сильные идеи для нового времени” пуорумҥа өрөспүүбүлүкэттэн талыллан 10 бастыҥ иһигэр киирбит санаалары уонна көҕүлээһиннэри үөрэттэ.
Пуорум сыала-соруга – Арассыыйа суверенитетын бөҕөргөтүүгэ уонна 2023 сылга диэри национальнай соруктары ситиһиигэ биллэр кылааты киллэрэр көҕүлээһиннэри уонна бырайыактары олоххо киллэриини өйөөһүн.
Уопсастыбаннай доруобуйа уонна мэдиссиинискэй сэрэтии өрөспүүбүлүкэтээҕи киинин кылаабынай бырааһа Алена Никитина ”Доруобуйа” мультимедийнай паарка” бырайыагы киллэрдэ. Бырайыакка IT-технологияларга уонна аныгы мэдиссиинэ эйгэтигэр инновация үлэлэрэ киирэллэр.
Алена Никитина: «Чөл олоҕу киллэрии – ханнык баҕарар киһиэхэ суолталаах усулуобуйа. Бу ордук киһи өйө-санаата уонна этэ-сиинэ саҥа сайдар кэмигэр, оҕо эрдэххэ суолталаах. Ситиһиилээх киһи – доруобай киһи. Биллэрин курдук, оҕолор аҥаардара оскуолаҕа үөрэнэр кэмнэригэр ханнык эрэ хроническай ыарыылаах буолаллар. Биһиги өрөспүүбүлүкэбит үүнэр көлүөнэтэ доруобай уонна үтүө туруктаах буоларын туһугар бэйэ доруобуйатын салайар үөрүйэҕи оҕо эрдэхтэн иҥэриэххэ наада. Ол курдук, биһиги бырайыакпыт сыалынан-соругунан үүнэр көлүөнэ бэйэтин доруобуйатыгар эппиэттээхтик сыһыаннаһарын уонна чөл олох туһунан билиитин үрдэтэргэ аныгы көрүҥүнэн мультимедийнай эйгэни тэрийии буолар. “Биһиги оҕолорбут инникилэрэ – бэйэлэрин илиилэригэр” диэн эрэллээхпит. Ол аата, биһиги оҕолорбут билиҥҥи уонна хас эмэ сылынан доруобуйаларын туруга биһигиттэн тутулуктаах”, — диэн бэйэтин бырайыагын туһунан кэпсээтэ.
Мультимедийнай паарка — сыыппаралаах реконструкциялар, 3D-моделирование, анимация, видео-инфографика, сенсорнай дисплейдар, симуляционнай киин, СМАРТ- бибилэтиэкэ киирэр экспозиционнай интерактивнай комплекс. Иһитиннэриилэр оонньуулар, квизтар, квестар ньымаларынан бэриллиэхтэрэ.
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэтигэр сылы түмүктүүр тэрээһин буолан ааста –…
Кэлиҥҥи сылларга киин куоракка уонна улуустарга уопсастыбаннай сирдэр тупсаҕай оҥоһуулаах буолбуттарын Ил Дархан бүгүҥҥү Ил…
Арассыыйаҕа “Оҕо сүрүн ырыалара” айар бырайыак күүскэ сайдар. Бэрэсидьиэн култуура көҕүлээһиннэригэр пуондатын өйөбүлүнэн Кыайыы мусуойа…
“Сахафильм” киинэ хампаанньа салайааччыта Алексей Егоров култуура, патриотизм туһунан санаатын үллэстэр: -Ил Дархан бүгүн Ил…
Саҥа 2026 сылга үктэнэрбит чугаһаата. Хас биирдии дьиэ кэргэн, оҕотуттан улахан киһитигэр тиийэ, саҥа сылтан туох…
Ааспыт нэдиэлэҕэ Европалар Россия хам хатана сытар харчытын халыы сатаатылар. Харчыны харайааччы Бельгия утаран, ити…