Кулун тутар 15 күнүттэн муус устар 30 күнүгэр диэри http://14.gorodsreda.ru саайтка киирэн 2025 сылга уопсастыбаннай территориялары тупсарыыны сүүмэрдээһиҥҥэ куоластааһын ыытыллар.
Арассыыйа бэрэсидьиэнэ көҕүлээбит «Куорат тупсаҕай эйгэтин тэрийии» федеральнай бырайыагынан тупсарыыга талыллыбыт испииһэккэ Саха сирин 31 нэһилиэнньэлээх пуунугар 67 уопсастыбаннай эйгэ киирбит.
Ол курдук, Мииринэйгэ уопсастыбаннай эйгэни тупсарыыга куоластыырга 2 бырайыак киллэриллибит. Бастакытынан, В.И.Ленин болуоссатын, Алмаас түмэлин искибиэрин уонна дьон сатыы хаамар сирин тупсаран оҥоруу кэлимник быһаарыллыыта көрүллүбүт. Болуоссакка, Алмаас түмэлин сиригэр дьон сылдьар сирин анал бүрүөһүннэринэн бүрүйэри, уулуссаҕа анал миэбэллэри туруорары, уотун-күөһүн, күрүөтүн-хаһаатын, бэлисипиэти туруорар сирдэри, уо.д.а. былааннаабыттар. Бырайыагынан үүнээйи, мас, талах олордуута көрүллэр, ол иһигэр газоны уларытыы киирэр. Муус устар 1 күнүгэр бу территория иһин 1 839 киһи куоластаабыт.
Иккис бырайыак, Мииринэй куоракка Ленинградскай проспегы саҥалыы уларытан оҥоруу. Куорат сүрүн уулуссатын саҥардан оҥоруу дьоҕус бисинэс сайдыытыгар, өҥөнү оҥорууга уонна дьону-сэргэни, туристары көрсүү эйгэтигэр сонун көстүүнэн, тирэҕинэн буолар кыахтаах. Дьон сатыы сылдьар сирин үйэлээх тротуарнай билиитэлэринэн уларытыы көрүллэр. Дьоҕус архитектурнай (ыскамыайкалар, уо.д.а.) тупсарыылар, декоративнай уот-күөс, үүнээйиттэн күрүө-хаһаа, о.д.а. оҥоһуулар көрүллэллэр. Бүгүҥҥү күҥҥэ бу бырайыагы 1 038 киһи өйөөбүт.
Бүтүн Арассыыйатааҕы онлайн-куоластааһыҥҥа, муус устар 1 күнүгэр, Саха сирин 31,1 тыһ. тахса олохтооҕо кыттыбыт. Былырыыҥҥы куоластааһын түмүгүнэн, Саха сиригэр куоластааһыҥҥа кыттыбыт гражданнар ахсааннара 88 205 киһи. Быйыл куоластааһын бүтэрэ 29 күн хаалла.
Куоластааһын судургу уонна аҕыйах мүнүүтэлээх: http://14.gorodsreda.ru платформаҕа киирэҕит, «Госуслуги» порталынан, салгыы муниципальнай тэриллиини уонна тупсаран оҥорор сири талаҕыт.
Куоластааһын түмүгэ «Куорат тупсаҕай эйгэтин тэрийии» бырайыак порталыгар тахсар. Элбэх куолаһы ылбыт уопсастыбаннай территорияларга 2025 сылтан тупсаран оҥоруу үлэтэ саҕаламмытынан барар.
Санатар буоллахха, 2023 сылга «Куорат тапсаҕай эйгэтин тэрийии» бырайыагы олоххо киллэрии иитинэн, Саха сиригэр 22 эбийиэк тупсарыллыбыта.
СӨ Ил Дарханын уонна Бырабыыталыстыбатын пресс-сулууспата
Өлүөхүмэ, Нам улуустарыгар халаан уутун содулун көрөн, киһи долгуйар, хараастар. Онон дьон-сэргэ уталыппакка эмсэҕэлээбиттэргэ бэйэтин…
Бу туһунан Саха сирин бырабыыталыстыбатын Бэрэссэдээтэлин солбуйааччы Анатолий Семенов иһитиннэрдэ. Нам улууһугар халаан уутуттан үөрэх…
Хатырык нэһилиэгин землячествота биир дойдулаахтарыгар көмөлөһөн, АГАТУга гуманитарнай көмөнү хомуйар анал пууну тэрийбитэ. Бу пууҥҥа…
Сарсын, ыам ыйын 21 күнүттэн, Дьокуускай — Аллараа Бэстээх маршрутунан салгын суудунанан таһыы тарыыба түһэн,…
Билигин ыам ыйыгар ырыынактарынан арассаада үүннэрэр усулуобуйата, солото суох киһи ырыынакка баран атыылаһара чуолкай. Ол…
Ил Дархан Айсен Николаев сорудаҕынан Бырабыыталыстыба бэрэссэдээтэлин бастакы солбуйааччы Дмитрий Садовников салайааччылаах уу содулун туоратар…