Уопсастыбаннай түмсүүлэр көмөлөрө уҕараабат

Бу күннэргэ Бүлүү улууһун уопсастыбаннай түмсүүлэрин салайааччыта Мария Томская уонна түмсүү салайааччытын солбуйааччы Елена Сивцева  Москваҕа 4 госпитальга сырыттылар. Уон байыастыын көрсүбүттэр.  

—Уолаттарбыт туохха наадыйалларын ыйыталаһан барытын атыылаһан, Бүлүүттэн «Сыа Бүлүү» ыыппыт үүтүн, барыанньатын, сиробун, этин, «Бүлүү 390» диэн кыра иһиттээх мүөтүн, гостиницаҕа үрдүттэн бэрэски астаан уолаттарбытын кытары палаатаҕа бииргэ сытар байыастарга илдьэн күндүлээтибит. 

Ону таһынан дойдубутугар тикпит таҥаспытын-саппытын, дэйбиирдэри уонна Илизаров аппарааттаах уолаттарбытыгар анаан урбаанньыт Валентина Григорьева анаан-минээн халыҥ гына тиктэрбит  кээнчэлэрин биэрбиппитин кэтэн үөрэн бөҕө буоллулар, — диэн Мария Томская кэпсээтэ.