Уопсастыбанньыктар анал байыаннай эпэрээссийэ кэмигэр суорума суолламмыт уонна эчэйбит байыастар дьоннорун кытары көрүстүлэр
11.11.2022, 17:30
Бөлөххө киир:
Уопсастыбанньыктар анал байыаннай эпэрээссийэ кэмигэр суорума суолламмыт уонна эчэйбит байыастар дьоннорун кытары көрүстүлэр.
СӨ Уопсастыбаннай палаататын сүрүннүүр киинин бэрэстэбиитэллэрэ байыаннай эпэрээссийэ кэмигэр суорума суолламмыт саллааттар дьоннорун кытары көрүстүлэр.
Бу туһунан СӨ Уопсастыбаннай палаататын чилиэнэ Вячеслав Литавин иһитиннэрдэ.
«Көрсүһүүнү СӨ Уопсастыбаннай палаататын бэрэссэдээтэлэ Николай Бугаев, «Боотур» добровольческай этэрээт хамандыыра Александр Колесов ыыттылар. Сырдык тыыннарын толук уурбут байыаннай сулууспалаахтар дьиэ кэргэттэригэр социальнай өйөбүл миэрэлэрин, харчынан төлөбүр боппуруостарын дьүүллэстилэр. Бэлиэтээн эттэххэ, бу боппуруоска СӨ салалтата тиһиктээхтик үлэлэһэр. СӨ Уопсастыбаннай палаататын сүрүннүүр киин бырабыыталыстыбаны уонна үрдүкү салалтаны кытары хардарыта сибээстээх үлэлэһэр«, — диэн этэр Литавин.
Уопсастыбаннас, волонтердар түмсүүлэрэ бойобуой сорудаҕы толорууга эчэйиини ылбыт байыаннай сулууспалаахтарга болҕомтотун уурар.
«Маны сэргэ, эчэйиини ылбыт саллааттар дьоннорун, байыастары кытары көрсүһүү буолла. Биһиги байыаннай сулууспалаахтар госпиталларга уонна манна, дойдуларыгар, мэдиссиинэ өҥөтүнэн толору туһаналларыгар, чөлгө түһүү кууруһун баралларыгар бары кыһамньыбытын уурабыт. Онно сөп түбэһэр быһаарыылар уонна миэрэлэр ылыллыбыттара«, — диэн иһитиннэрэр Вячеслав Литавин.
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: