Саха сирин Уопсастыбаннай балаататын бэрэссэдээтэлэ Николай Бугаев билигин Ростов куоракка сылдьар. Байыаннай госпиталларга бааһырбыт байыастары кытары көрүстэ. Кини байыаннай сулууспалаахтарга “Саха сирэ эйигин кытта!” хамсааһынын нөҥүө хомуллубут көмөнү тиксэрдэ. Бу туһунан Уопсастыбаннай балаата бэрэссэдээтэлин солбуйааччы Валентина Кириллина иһитиннэрдэ.
Валентина Кириллина эппитинэн, Уопсастыбаннай балаата кэнники үс ыйга быстах хомуурга ыҥырыллыы, байыаннай сулууспалаахтар дьиэ кэргэттэригэр көмө боппуруостарынан 200-тэн тахса сайабылыанньаны көрбүт. Кэнники кэмҥэ харчынан төлөбүр, босуобуйа, судаарыстыба көмөтүн туһунан боппуруостар киирэллэр эбит.
— Бэҕэһээ, тохсунньу 25 күнүгэр, баҕа өттүнэн барбыттар этэрээттэрин байыаһын аймаҕыттан сурук кэлбитэ. Хомойуох иһин, кини бары төлөбүрдэри ылар кыаҕа суох, тоҕо диэтэххэ, бырапыыската атын эрэгийиэҥҥэ эбит. Уопсастыбаннай балаата бу боппуруоһунан дьарыктана сылдьар, судаарыстыбаннай былаас уорганнарыгар ыйытыктары ыыттыбыт, — диэн Валентина Кириллина кэпсээтэ.
Түмүгэр, кини оҕолору, ыччаты «Напиши письмо солдату» уонна «Письмо защитнику Отечества» патриотическай аахсыйаларга кытталларыгар ыҥырда.
«Письмо защитнику Отечества» Бүтүн Арассыыйатааҕы ыччат аахсыйата 2023 сыл олунньу 1 күнүттэн саҕаланар. Оскуола үөрэнээччилэрэ, устудьуоннар, ыччат түмсүүлэрин чилиэннэрэ бу аахсыйаҕа кыттыһан, байыастарга сурук суруйуохтарын сөп: 680 000, г. Хабаровск, ул. Шевченко, д.16. ФГБУ «Дом офицеров Восточного военного округа» Минобороны России.
Ньурба улууһугар Марха өрүскэ туристар бөлөхтөрө хаайтарбыттар. Бэһиэ буолан икки мотуордаах оҥочонон айаннаан истэхтэринэ, биир…
Балаҕан ыйын 18 күнүгэр Социальнай пуонда Саха сиринээҕи салаатын килийиэннэрин сулууспаларыгар Биир кэлим босуобуйа күнэ…
Саха Өрөспүүбүлүкэтин Бырабыыталыстыбатын Бэрэссэдээтэлин бастакы солбуйааччы Дмитрий Садовников дойду Бэрэсидьиэнэ Владимир Путин көҕүлээбит “Олох инфраструктурата”…
Бу күннэргэ Арассыыйа Наукаларын академиятын Сибиирдээҕи салаатын Гуманитарнай чинчийиилэр уонна хотугу норуоттар кыһалҕаларын института тэриллибитэ…
“Уһук Илиҥҥи тиэргэннэри тупсаҕай оҥоруу” федеральнай бырайыагынан Саха сиригэр 17 тиэргэни тупсарыахтара. Ол курдук, бу…
Саха сиринээҕи Саахал мэдиссиинэтин киинин үлэһиттэрэ «Путь воина» күрэхтэһиигэ көмөнү оҥорорго бэлэмнэр. Саахал мэдиссиинэтин киинин…