Уорбут бэлисипиэдин 500 солк. атыылаабыт

Дьокуускайга полиция 3-с №-дээх отделыгар 30 тыһ.солк. суумалаах бэлисипиэди уорбуттарын туһунан иһитиннэрбиттэр. Бу туһунан СӨ ИДьМ пресс-сулууспата суруйар.

Бэлисипиэди Федор Попов уулуссатыгар баар дьиэ таһыттан ылан барбыттар. Ботурууллуур батальон үлэһиттэрэ үлэлэрин кэмигэр Бестужев-Марлинскай уулуссатыгар итирик туруктаах эр киһи бэлисипиэт анньа сылдьарын бэлиэтии көрбүттэр.

Полиция үлэһиттэрэ быһаарбыттарынан, бу бэлисипиэди кини аҕыйах мүнүүтэ анараа өттүгэр билбэт киһититтэн 500 солк. атыыласпыт.

Сотору соҕус буолан баран уорбаланааччыны туппуттар. Бу — Томпо улууһуттан төрүттээх  эрдэ сууттана сылдьыбыт 42 саастаах киһи.

Уоруунан холуобунай дьыала тэрилиннэ.