Уорбут бэлисипиэтин кырааскалаабыт

Дьокуускай куоракка полиция 2-с нүөмэрдээх отделын дьуһуурунай чааһыгар бэлисипиэтин уордарбыт олохтоох дьахтартан сайабылыанньа киирбит.

Суһал-ирдиир үлэ кэмигэр  полиция сотрудниктара 17 саастаах уорбаланааччыны быһаарбыттар.

Быһаарыллыбытынан, уол троһунан хатанан (противоугонный трос) турар  бэлисипиэти уоран барбыт. Салгыы бэйэтигэр туһанаары  бэлисипиэти кырааскалаабыт.

Билигин уорбаланааччыга РФ Холуобунай кодексын 158 ыст. 2 чааһынан холуобунай дьыала көбүтүлүннэ.