Уоруллубут харчыны хайдах төнүннэриэххэ сөбүй?

«**0101 Списание на сумму 15 000 RUB прошло успешно. Баланс: 12.50 RUB». Каартаҕыттан харчы устубакка сырыттаххытына, маннык ис хоһоонноох иһитиннэрии төлөпүөҥҥүтүгэр кэлбит буоллаҕына, ол аата каартаҥ дааннайдарын уорбуттар диэн. Бу балаһыанньаҕа хайдах буолар туһунан объясняем.рф саайт маннык суруйар.

Каартаҕын тута «блоктуурга» тиэтэй:

— баан мобильнай сыһыарыытын эбэтэр саайтка киирэн тус кабинет нөҥүө;

— төлөпүөннээ: каарта нөҥүө өттүгэр суһал сибээс нүөмэрэ баар;

— СМС нөҥүө: үксүгэр бу хамаанда куодабай тыллаах булар, холобура «блокировка» уонна + бэлиэ туруоран баран, каартаҥ бүтэһик түөрт сыыппарата буолуон сөп (сиһилии баан саайтыгар ааҕыҥ);

— бааҥҥа бэйэтигэр тиийэн (пааспардаах).

Харчыгын уорбуттарын, ону төнүннэрэн туһуттан, отделенииеҕа тиийэн сайабылыанньа толорор ирдэнэр.

Төнүннэрии усулуобуйалара:

Уоруу туһунан тутатына биллэриэххэ наада.

Уорбаттарын туһуттан каартаны кытта ПИН-коду илдьэ сылдьыма, ону каартаҕа суруйума.

Баан силиэстийэ ыытар. Уоруйахтар Арассыыйа иһигэр баар буоллахтарына 30 күн иһигэр, тас дойдуттан уорбут буоллахтарына 60 күҥҥэ тиийэ көрүллэр.

Туох баар усулуобуйаны тутуспутуҥ үрдүнэн баан силиэстийэтэ аккаастыыр түгэнигэр, суукка тиийиэххэ сөп.

Баан каарта туох баар эпэрээссийэтин туһунан СМС, сыһыарыы эбэтэр почта нөҥүө иһитиннэриини ыытар эбээһинэстээх. Баан кэмигэр харчыны устубуттарын туһунан иһитиннэриини ыыппатах буоллаҕына, харчыны төнүннэриэхтээх. Ый да, сыл да ааспытын кэнниттэн. Ол туһуттан сокуоннайа суохтук харчы устубуттарын туһунан сайабылыанньа суруйуохха наада.